Lukas 22:2 - Chuukese Bible

² Ekewe souasor mi lap me ekewe Sensen Allük ra niuokusiti ekewe aramas, iei mine ra sotuni ar repwe rawei Jesus pwe repwe niela le monomon.

Lukas 22:2 Iomraidhean Croise

Mateus 12:14

Iwe, ekewe Farisi ra towu seni ewe imwen felikis o pwüngüpwüngfengen usun ar repwe niela Jesus.

Mateus 21:38

Nge lupwen ekewe chon mälämäl ra küna ewe nau, ra kapasfengen lefiler, ‘Iei i alemürin ätewe mine an ei tanipi. Ou etto, ousipwe niela, pwe sipwe angei mine an me ren saman!’

Mateus 26:2

“Ämi oua silei pwe mürin ruu rän epwe fis ewe chulapen Pasofer. Iwe, Nöün Aramas epwe tolong lepöün aramas ar repwe iräpengesi.”

Markus 14:1

Iei a chök ruu rän mwen ewe ränin Pasofer me ewe chulapen mongö pilawa esap wor iis lon. Iwe, ekewe souasor mi lap me ekewe Sensen Allük ra ekieki usun eu alen ar repwe turufi Jesus le monomon, pwe repwe niela.

Lukas 20:19

Iwe, ekewe Sensen Allük me ekewe souasor mi lap ra silei pwe a afalafala ei pworausen awewe usur, iei mine ra sotuni ar repwe fötekini Jesus lon ewe otun, nge ra niuokusiti ekewe aramas.

Johannes 11:57

Ekewe souasor mi lap me ekewe Farisi ra atowu eu allük ngeni aramas, pwe are eman epwe silei ia Jesus a nom ie, epwe asile ngeniir, pwe repwe turufi o fötekini.

Föför 4:27

Pun iei usun mine a fis: Herotes me Pontius Pilatus ra mwichfengen me ekewe chon lükün Israel me ekewe aramasen Israel lon ei telinimw ar repwe ü ngeni Jesus noumw Chon Angang mi pin, ätewe en ka epiti.