Lukas 22:18 - Chuukese Bible

¹⁸ Üpwe ürenikemi, pwe seni ikenai üsap chüen ünümi seni ei wain tori wareton ewe Mwün Kot.”

Lukas 22:18 Iomraidhean Croise

Kölfel 104:15

Iwe, epwe wor wain pwe aramas repwe ün o pwapwa, epwe wor lö pwe repwe emmisi ngeni won meser, pwal pilawa pwe repwe mongö o pöchökül ren.

Än Salomon Köl 5:1

Kofoti, en mi wor tongom me rei, üa feito ren tanipii we. Üa ionifengeni ai säfei mi aüchea itan mör me ai nofitin mongö, üa neni ai fasen chunen me chönün, üa pwal ünümi ünümei wain me ünümei milik. Oupwe mongö o ün, ämi chienei. Ämi chienei mi achengicheng, oupwe fokun ün.

Aisea 25:6

Won ewe chuk Sion ewe Samol mi Unusen Manaman epwe amolätä eu kametip fän iten aramas meinisin won fanüfan, eu kametip ia epwe wor ie sokopaten mongö mi anö, pwal wain mi mürina.

Aisea 55:1

Ewe Samol mi Lapalap a apasa, “Ou etto, ämi meinisin mi kaka, oupwe feito o ün seni ewe koluk. Ämi mi wöüngauen moni, oupwe feito o angei enemi. Oupwe feito o angei ünümemi wain me milik, nge ousap möni.

Taniel 2:44

Iwe, lon fansoun mwün ekewe king, ewe Koten läng epwe aüetä eu mwü esap tongeni tala, esap pwal wor eu mwü epwe tongeni akufu. Iwe, ei mwü epwe ataela o arosala ekewe lusun mwü, nge epwe püsin nom tori feilfeilachök.

Sekaraia 9:15

Ewe Samol mi Unusen Manaman epwe tümwünü nöün aramas. Nge ir repwe niela chon oputeer, repwe ün o akürang usun chokewe mi ün wain, repwe ur usun eu sepi souasor ra aea, lupwen ra äsupu chan ewe mönün asor ngeni lepwokukun ewe rongen asor.

Sekaraia 9:17

Ewe fanü epwe fokun mürina o ling. Alüal me föpwül repwe märitä me lon fän pöchökül ren wiich me wain.

Mateus 16:18

Iei mine üpwe ürenuk Petrus: En eu achau. Iwe, ei achau iei ewe longolong üpwe aüetä ai mwichefel won, nge mäla esap mwo nge tongeni akufu.

Mateus 26:29

Üpwe ürenikemi, pwe üsap chüen ün seni ei wain, tori ewe rän lupwen üpwe ünümi ewe wain mi fö me ämi lon Mwün Semei.”

Markus 14:23

Mürin a angei eu kap, a iotekin kilisou ngeni Kot won o ngeni eman me eman leir. Iwe, ir meinisin ra ün seni.

Markus 14:25

Enlet üpwe ürenikemi, pwe üsap chüen ünümi seni ei wain tori ewe rän lupwen üpwe ünümi ewe wain mi fö lon Mwün Kot.”

Markus 15:23

Ikenan ra sotuni le aünü ngeni Jesus wain mi nofitfengen me och säfei itan mör, nge esap mochen ünümi.

Markus 9:1

Iwe, Jesus a pwal apasa, “Üpwe ürenikemi, pwe mi wor ekoch aramas ikkei resap mäla, pwe repwe mwo küna Mwün Kot epwe war fän manaman.”

Lukas 21:31

Iei usun, lupwen oupwe küna pwe ekei mettoch repwe le fis, oupwe silei pwe Mwün Kot a arapoto.

Lukas 22:16

Pun üpwe ürenikemi, pwe seni ikenai üsap chüen mongö ei mongö tori epwe unusen pwönüetä wewen lon Mwün Kot.”

Lukas 9:27

Üpwe allükülükü ngenikemi, pwe mi wor ekoch aramas mi nom ikkei resap mäla tori repwe küna ewe Mwün Kot.”

Kolose 1:13

A angasakich seni fän nemenien rochopwak o atolongakich lon mwün Nöün we mi achengicheng.

Soukapwüng 9:13

Nge ewe irän wain a pälüeniir, ‘Ifa usun ai üpwe ükütiu le afisätä wain mi apwapwai ekewe kot me aramas, pwe üpwe feila o nemenikemi?’