Lukas 22:16 - Chuukese Bible

¹⁶ Pun üpwe ürenikemi, pwe seni ikenai üsap chüen mongö ei mongö tori epwe unusen pwönüetä wewen lon Mwün Kot.”

Lukas 22:16 Iomraidhean Croise

Lukas 12:37

A ifa me feiöchün ekewe chon angang nöür we masta a küneer pwe ra nennela o molotä lupwen a liwinsefäl. Enlet, üpwe ürenikemi, pwe ewe masta epwe üföüfolong üfen chon angang, epwe amoteer ngeni chepel o ngeniir aner mongö.

Lukas 14:15

Iwe, lupwen eman lein ekewe mwän mi mot ngeni chepel a rong ekei kapas, a üreni Jesus, “Ra feiöch chokewe mi mot ngeni ewe kametip lon Mwün Kot!”

Lukas 22:15

Iwe, a üreniir, “Ngang üa fokun mochen ach sipwe mongöfengen ei mongön Pasofer mwen ai üpwe tolong lon riaföü.

Lukas 22:18

Üpwe ürenikemi, pwe seni ikenai üsap chüen ünümi seni ei wain tori wareton ewe Mwün Kot.”

Lukas 22:30

Oupwe mongö o ün won ai chepel lon mwüi, oupwe pwal mot won ekewe lenien motun king o nemeni ekewe engol me ruu ainangen Israel.

Johannes 6:27

Ousap angang fän iten mongö mi tongeni ngauala, nge oupwe angang fän iten mongö mi nonomola tori manau esemüch. Iei ewe mongö Nöün Aramas epwe ngenikemi, pun Kot ewe Sam a fen anomu won asisilen an tipeeu ngeni.”

Föför 10:41

Esap pwä ngeni aramas meinisin, nge a chök pwä ngenikem, äm kewe Kot a fen filikeemitä pwe aipwe chon pwärätä. Äm aia mongöfengen o ünfengen me i mürin an manausefäl seni mäla.

Pwärätä 19:9

Mürin ewe chon läng a üreniei, “Kopwe makkeetiu ekei kapas: Ra feiöch chokewe mi kö ngeni kametipen apwüpwülüen ewe Lam.” Iwe, ewe chon läng a pwal apasa, “Ikkei ekewe kapas mi let seni Kot.”