Lukas 21:8 - Chuukese Bible

⁸ Jesus a üreniir, “Oupwe mamasa, pwe esap wor eman epwe atupukemi. Chomong aramas repwe feito fän itei o apasa, ‘Ngang ewe Kraist,’ pwal ‘Ewe fansoun an epwe war a arap.’ Ousap tapwela mürir.

Lukas 21:8 Iomraidhean Croise

Jeremaia 29:8

Ngang ewe Samol mi Unusen Manaman, ewe Koten Israel üa ürenikemi pwe ousap tup ren nöümi kewe soufos me nöümi kewe soupwe mi nom leimi. Ousap aüseling ngeni ekewe tan ra eäni.

Mateus 24:11

Mürin chomong soufos chofona repwe feito o atupala chomong aramas.

Mateus 3:2

Iwe, a apasa, “Oupwe aier seni ämi tipis, pun a arap Mwün Läng.”

Mateus 4:17

Seni ena fansoun Jesus a popuetä le eäni ei afalafal, “Oupwe aier seni ämi tipis, pun a arap Mwün Läng!”

Lukas 17:23

Iwe, repwe ürenikemi, ‘Nengeni, a nom ikenan!’ are ‘Nengeni, a nom ikei!’ Ousap feila rer, ousap pwal tapwela mürir.

Lukas 21:7

Iwe, ekewe chon kaiö ra aisini Jesus, “Sense, inet ekei mettoch ka fos usun repwe fis? Meni asisil epwe pwärätä pwe a tori ewe fansoun an epwe fis ekei mettoch?”

Lukas 21:9

Ousap fokun niuokus lupwen oupwe rongorong pworausen maun me fitikoko. Ekei mettoch repwe akomwen fis, nge esap tori mwo fansoun sopolan.”

Johannes 5:43

Ngang üa feito fän iten Semei, nge ämi ousap etiwaei. Nge are pwal eman epwe feito fän püsin itan, ämi oupwe etiwa i.

Johannes 8:24

Iei popun ai ürenikemi pwe oupwe mäla lon ämi tipis. Pun are ousap lüküei pwe ‘Ngang chök ewe Eman’, oupwe fokun mäla lon ämi tipis.”

Johannes 8:28

Iei mine a üreniir, “Lupwen oupwe atekiatä ewe Nöün Aramas, mürin oupwe silei iö Ngang. Oupwe pwal silei pwe üsap föri och ren püsin ngang, nge üa chök apasa mine Semei a aiti ngeniei.

1. Korint 6:9

Enlet, oua silei pwe ekewe chon föföringau resap mwüni Mwün Kot. Ousap püsin atupukemi! Chon föri föförün lisowu, ika chon angang ngeni anümwäl, ika chon lisowu ngeni mi pwüpwülü, ika chon amömö inisir, ika chon lisowufengen lefilen mwän me mwän ika fefin me fefin,

Efisos 5:6

Ousap tup ren än aramas kapasen atuputup, pun ren ekei sokun föför än Kot song epwe tori chokewe mi lükümach ngeni.

2. Tesalonika 2:3

Ousap mwüt ngeni eman epwe atupukemi lon sokopaten angangen atuputup. Pun ewe Rän esap wareto mwen an epwe fis pwe aramas repwe üfengen me Kot o ewe Aramas mi Tipis epwe pwäto, i ewe epwe kiteterila lon ewe hell.

2. Timoty 3:13

Nge ekewe aramasangau me soulängatuputup repwe chök fokun ngauala, ra atupu aramas o püsin küna atuputup.

1. Johannes 4:1

Ämi chiechiei kana mi achengicheng, ousap lükü chokewe meinisin mi apasa pwe ra eäni Ngünmifel, nge oupwe sotuniir o küttaöchü are ekewe ngün ra feito seni Kot. Pun chomong soufos chofona ra feilfetal won fanüfan.

2. Johannes 1:7

Chomong chon atuputup ra fetalfeil won unusen fanüfan, ir aramas resap pwärätä pwe Jesus Kraist a feito o wiliti aramas. Ei sokun aramas eman chon atuputup me ewe pölüen Kraist.

Pwärätä 1:3

A feiöch eman mi aleani ei puk, ra pwal feiöch chokewe mi rongorong ngeni ekei kapasen pwärätä o aleasochis ngeni mine a mak lon. Pun ewe fansoun a arap än ekei mettoch meinisin repwe fisitä.

Pwärätä 12:9

Ewe trakon mi watte a koturuwu lükün, ewe serepenitin lom mi iteni Tefil are Satan, a atupu unusen chon fanüfan. A koturutiu won fanüfan, i me nöün kewe chon läng.