Lukas 21:7 - Chuukese Bible

⁷ Iwe, ekewe chon kaiö ra aisini Jesus, “Sense, inet ekei mettoch ka fos usun repwe fis? Meni asisil epwe pwärätä pwe a tori ewe fansoun an epwe fis ekei mettoch?”

Lukas 21:7 Iomraidhean Croise

Taniel 12:6

Iwe, eman leir a aisini ewe mwän mi üföüf üf mi pwechepwech o ütä asen ewe chanpupu, “Ifa ükükün fansoun tori ekei mettoch mi amwarar repwe wes.”

Taniel 12:8

Iwe, üa rong mine a apasa, nge üsap weweiti. Mürin üa ais, “Ai samol, epwe met sopolan ekei mettoch?”

Mateus 24:3

Iwe, lupwen Jesus a mot won ewe Chukun Olif, ekewe chon kaiö ra feito ren, nge ir chök. Ra tüngor ngeni, “Kose mochen ürenikem inet epwe fis ekei mettoch meinisin? Kopwe pwäri ngenikem asisilen fansoun om wareto me ewe fansoun sopolan.”

Markus 13:14

“Ämi oupwe küna ewe ‘Mettoch mi Eniweniw’ a nom lon ewe leni ia esap ürürün epwe nom ie. (Ewe chon aleani epwe fokun weweiti met wewen ei!) Mürin chokewe mi nom lon Jutea repwe sütä won ekewe chuk.

Lukas 21:32

Enlet, üpwe ürenikemi, pwe ei pilon aramas resap mäla tori an epwe fisitä ekei mettoch meinisin.

Lukas 21:6

“Iei oua küna ekei mettoch meinisin. Nge epwe war ewe fansoun, lupwen esap fokun wor eföü fau epwe chüen nom lon lenian. Meinisin ekei fau repwe toropasetiu.”

Lukas 21:8

Jesus a üreniir, “Oupwe mamasa, pwe esap wor eman epwe atupukemi. Chomong aramas repwe feito fän itei o apasa, ‘Ngang ewe Kraist,’ pwal ‘Ewe fansoun an epwe war a arap.’ Ousap tapwela mürir.