Lukas 21:36 - Chuukese Bible

³⁶ Oupwe mamasa o iotek fansoun meinisin, pwe epwe wor ämi pöchökül pwe oupwe tongeni sü seni ekei mettoch meinisin lupwen repwe fisitä o oupwe tongeni ütä me mwen Nöün Aramas.”

Lukas 21:36 Iomraidhean Croise

Hiop 27:10

Ifa usun, epwe pwawaiti Ewe mi Unusen Manaman o kökköri Kot fansoun meinisin?

Kölfel 1:5

Iei mine ekewe aramasangau resap üöch lon ewe ränin kapwüng, nge ekewe chon tipis resap nom lon mwichen chon pwüng.

Jeremaia 35:19

iei mine ngang ewe Samol mi Unusen Manaman, ewe Koten Israel üa pwon pwe epwe wor fochofoch eman mwirimwirin Jonatap nöün Rekap we mwän epwe angang ngeniei.”

Malakai 3:2

Nge iö epwe tongeni pwäk lon ewe ränin an feito? Iö epwe tongeni ütä, lupwen epwe pwä? Pun i a wewe ngeni soop mi müttir limetawu limengau, a pwal wewe ngeni än eman ekkein ketel mächä.

Mateus 24:42

Iei mine oupwe mamasa, pun ousap silei lon meni rän ämi Samol epwe wareto.

Mateus 24:43

Are ewe souimw epwe silei inet ewe chon solä epwe war, oupwe fokun silei, pwe ätewe epwe nenela, nge esap mwüt ngeni ewe chon solä an epwe atalong imwan we.

Mateus 24:44

Iei mine pwal ämi, oupwe molotä fansoun meinisin, pun Nöün Aramas epwe war lon eu otun ousap ekieki ngeni.

Mateus 25:13

Iei mine oupwe mamasa, pun ousap silei lon meni rän ika kulok Nöün Aramas epwe war lon.

Mateus 26:41

Oupwe mamasa o iotek pwe ousap turutiu lon sosot. Ewe ngün a mochen pwora, nge ewe fituk a apwangapwang.”

Mateus 8:20

Jesus a üreni, “Ekewe foks a wor pwanger fän pwül, ekewe mansüsü a wor faser, nge Nöün Aramas esap wor lenian ia epwe konola ie.”

Markus 13:33

Oupwe mamasa o afälikemi, pun ousap silei inet ewe fansoun epwe war lon.

Markus 13:37

Mine üa ürenikemi, üa üreni aramas meinisin: Oupwe mamasa.”

Lukas 1:19

Iwe, ewe chon läng a pölüeni, “Ngang Kapriel, ewe mi ü mwen mesen Kot. Kot a tinieito pwe üpwe kapas ngonuk o asile ngonuk ei pworaus allim.

Lukas 18:1

Mürin Jesus a apworausa ngeni nöün kewe chon kaiö eu pworausen awewe, pwe a mochen aiti ngeniir usun ar repwe iotek fansoun meinisin, nge resap achanü.

Lukas 20:35

nge ekewe mwän me fefin mi fich ngeni ar repwe manausefäl seni mäla o manau lon ewe fansoun epwe feito resap pwüpwülü.

Lukas 21:35

Pun ewe rän Nöün Aramas epwe war lon, epwe tori aramas meinisin won unusen fanüfan.

Föför 10:2

A tupwöl lon an niuokusiti Kot, i me chon an famili meinisin. A pwal watte an alilis ngeni ekewe chon Juta mi wöüngau o a ikiotek ngeni Kot.

1. Korint 16:13

Oupwe mamasa, oupwe üppos lon ämi lükülük, oupwe eäni sokun mwän, oupwe pöchökülela.

2. Korint 4:14

Äm aia silei, pwe Kot ewe mi amanauasefäli ach Samol Jesus, epwe pwal amanauasefälikem fiti Jesus o uweikeemila me ämi mwen mesan.

Kolose 4:2

Oupwe likitü o mamasa lon ämi iotek, oupwe pwal iotekin kilisou ngeni Kot.

1. Tesalonika 5:17

oupwe iotek fansoun meinisin,

2. Timoty 4:5

Nge en kopwe ekisaram lon om föför meinisin, kopwe likitü lon riaföü, kopwe föri angangen eman chon asoulängala aramas, kopwe unusen apwönüetä wisom usun eman nöün Kot chon angang.

1. Petrus 4:7

Iwe, a arapoto sopolan mettoch meinisin. Iei mine oupwe püsin nemeni letipemi o mamasakemi, pwe epwe tongeni fis ämi iotek.

1. Petrus 5:8

Oupwe amolakemi o mamasa, pun Tefil, ewe chon oputakemi, a fetalfeil usun eman laion mi wörüwör, nge a kütta iö epwe oromala.

1. Johannes 2:28

Ewer, nei kana, oupwe nonom lon Kraist, pun lupwen i epwe pwä, kich sipwe fokun tipepwora, nge sisap opola seni fän säw lon ewe Rän epwe wareto.

Jutas 1:24

Iwe, ngeni i, ewe mi tongeni amwöchükemi pwe ousap tur lon tipis, a pwal tongeni aükemiitä, pwe oupwe unusen limöch o uren pwapwa me mwen an we ling,

Pwärätä 11:4

Ekei ruoman chon pwärätä, ir ekewe ruofoch irä olif me ekewe ruofoch lenien atittin mi ü mwen ewe Samolun fanüfan.

Pwärätä 6:17

Pun ewe rän mi lap a war, ewe ränin ar song, nge iö epwe tongeni ü ngeni?”

Pwärätä 7:9

Mürin ei, üa küna eu mwich mi fokun chocho, esap wor eman aramas a tongeni aleaniir. Ra feito seni sokopaten mwich, ainang, mwü me kapas meinisin. Iwe, ra ütä me mwen ewe lenien motun king me ewe Lam, ra üföüf üf mi pwechepwech o ra amwöchü paan nü lepöür.

Pwärätä 8:2

Mürin üa küna ekewe füman chon läng mi ütä mwen mesen Kot, pwe ra angei füfoch rappwa.