Lukas 21:34 - Chuukese Bible

³⁴ “Oupwe afälikemi, pwe lelukemi esap chouchou ren mongömong me ünüpuch, pwal ren öürekin manauen ikenai, pwe ewe rän esap müttiritikemi usun eu sär.

Lukas 21:34 Iomraidhean Croise

Keneses 19:32

Etto, sipwe aünü ngeni samach ei wain, mürin sipwe kon ren pwe epwe wor mwirimwirin.”

Keneses 19:35

Iwe, ra pwal aünü ngeni semer we wain lon ewe pwinin, nge ewe setipütür a tolong o kon ren. Nge Lot esap pwal mefi, lupwen nöün we a kon ren, pwal lupwen a pwätä.

Keneses 27:14

Iei mine Jakop a feila o uweereto ren inan we. Nge neminewe a föri eu mongö mi anö usun Isaak a mwon.

Kölfel 35:8

Amwo feiengau mi lapalap epwe toriir mwen ar silei. Amwo repwe püsin tup lon ewe sär ra aopala. Amwo repwe turulong lon ewe pwang o fokun feiengau.

Än Salomon Fos 21:4

Meselamalamtekia me tipelamalamtekia ekei sokun föför ekewe aramasangau ra tipis ren.

Än Salomon Fos 23:20

Kosap chiechi ngeni ekewe mi ünümong wain ika ekewe mi ochomong fituk,

Än Salomon Afalafal 9:12

Iwe, eman aramas esap silei fansoun an epwe mäla. Pun usun chök ik ra tup lon eu uk mi afeiengau, pwal usun chök machang ra tup lon eu sär, ina usun chon fanüfan repwe tup lon feiengau lupwen a müttir toriir.

Aisea 28:7

Iwe, pwal ekewe souasor me soufos ra kukuul ren wain, ra mwaroro ren sakau. Ra ünümong wain me sakau pwe ra mwaroro o umwesila. Iwe, ekewe soufos ra mwäl lon künaer, ekewe souasor ra pwal mwäl lon ar apwüng.

Osea 4:11

Wainin lom me wain mi fö ra angeala mirit.

Lifitikos 10:9

“En me noum kana mwän ousap ünümi wain are sakau mi pwichikar, lupwen oupwe tolong lon ewe imw mangaku ia aramas ra churiei ie, pwe ousap mäla. Iei eu allük esemwüch ngenikemi me mwirimwirimi kana, seni eu täppin aramas tori eu täppin.

Mateus 13:22

Ekewe pwükil mi mworotiu lein ekewe iräfölüföl ra wewe ngeni chokewe mi rongorong kapasen Kot, nge öürek usun manauen ikenai me pwapwan wöün fanüfan ra amopu ewe kapasen Kot, pwe esap tongeni ua.

Markus 13:9

Oupwe püsin mamasakemi. Pun repwe fötekinikemi o emwenikemiilong lon kapwüng. Repwe wichikemi lon ar kewe imwen felikis. Oupwe ütä mwen ekewe kepina me king pokitei, pwe oupwe pwärätä ngeniir mine a let.

Markus 4:19

nge öürek usun manauen ikenai me atuputupun wöün fanüfan me mochenian ekewe sokopaten mettoch ra tolong lon leluker o amopu ewe kapasen Kot pwe esap tongeni ua.

Lukas 10:41

Nge ewe Samol a pölüeni, “Marta, Marta, ka öürek o osukosuk ren chomong mettoch,

Lukas 12:40

Ina usun pwal ämi oupwe molotä, pun Nöün Aramas epwe war lon eu otun ousap ekieki ngeni.”

Lukas 17:3

Iei mine oupwe tümwünüöchü mine oupwe föri! Are pwiüm a tipis, kopwe apwüngü, nge are a ekieksefäl, kopwe amusala.

Lukas 21:35

Pun ewe rän Nöün Aramas epwe war lon, epwe tori aramas meinisin won unusen fanüfan.

Lukas 21:8

Jesus a üreniir, “Oupwe mamasa, pwe esap wor eman epwe atupukemi. Chomong aramas repwe feito fän itei o apasa, ‘Ngang ewe Kraist,’ pwal ‘Ewe fansoun an epwe war a arap.’ Ousap tapwela mürir.

Lukas 8:14

Ekewe pwükil mi mworotiu lein ekewe iräfölüföl ra wewe ngeni chokewe mi rong kapasen Kot, nge öürek me wöün fanüfan, pwal pwapwan ei manau ra tolong lon leluker o amopu ewe kapas, pwe uar esap tongeni mau.

1. Korint 5:11

Iwe, iei wewen ai kei kapas, pwe ousap chiechi ngeni eman aramas mi püsin aita ngeni pwe i eman souläng, nge fen i eman mi föri sokun föför mi fokun ngau, ika eman chon tipemong, ika eman chon angang ngeni anümwäl, ika eman chon aitengaua aramas, ika eman chon ünüpuch, ika eman chon solä. Ousap mwo nge mongöfengen me ena sokun aramas.

1. Korint 6:10

ika chon solä, ika chon tipemong, ika chon ünüpuch, ika chon aitengaua aramas, ika chon achomau resap mwüni mwün Kot.

Kalatia 5:20

fel ngeni anümwäl, angangen rong, oputfengen me fiufengen, koumfengen, song, apangau, tipefesen, mwichaiei,

Tuteronomi 29:19

Oupwe pwal afälikemi pwe esap wor eman me leimi a püsin ikeetä, lupwen a rong kapasen ei pwon mi fis fän akapel o ekieki lon lelukan, ‘Üpwe chök feiöch, inamwo ika üa chei mochenin lelukei mi ülöförea.’ Ei epwe chök afeiengaua ämi meinisin, chokewe mi mürina me chokewe mi ingau.

Filipi 4:6

Ousap lolilenäsini och mettoch, nge lon ämi osupwang meinisin oupwe iotek o tüngor ngeni Kot pwe epwe alisikemi. Oupwe tüngor fansoun meinisin fän kilisou.

Ipru 12:15

Oupwe tümwünüfichikemi pwe esap wor eman leimi epwe kul seni än Kot ümöümöch. Esap pwal wor eman epwe usun chök efoch irä maras mi märitä o afisätä chomong fitikoko, pwe chomong repwe limengau ren.

2. Petrus 3:10

Nge ränin ewe Samol epwe war usun eman chon solä. Lon ewe rän läng epwe morola ren püngün chopulap o minen läng repwe karala o tala, nge fanüfan me meinisin mine a nom lon resap chüen nom.

2. Petrus 3:14

Iei mine, ämi chiechiei mi achengicheng, pokiten oua witiwiti ei Rän, oupwe fokun achocho ngeni pwe oupwe limöch, pwe esap wor ämi mwäl mwen mesen Kot, nge oupwe pwal nom lon kinamwe.

Pwärätä 3:3

Iei mine kopwe chechemeni mine ka kaiö o mine ka rongorong, kopwe aleasochis o aier seni om tipis. Nge are kosap nela, üpwe feito womw usun eman chon solä, nge kosap silei ewe otun üpwe feito reöm.

1. Samuel 25:36

Iwe, Apikael a liwinto ren Napal. Nge Napal a föri eu kametip lon imwan usun än eman king kametip. Iwe, a pwapwa lon lelukan, pun a fokun pulas. Iei mine neminewe esap fokun apworausa ngeni och tori a ränila.