Lukas 21:25 - Chuukese Bible

²⁵ “Iwe, epwe wor ekoch lapalap epwe fis ngeni akkar, maram me fü kana. Nge won fanüfan chomong fanü repwe nom lon watten riaföü, repwe niuokus ren ngüngün matau me püngüpüngün no.

Lukas 21:25 Iomraidhean Croise

Kölfel 46:3

are nonon lematau epwe püng o puropur, nge ekewe chuk repwe chechech ren püngüpüngün.

Aisea 13:10

Iwe, fün läng me mwicheicher meinisin resap chüen tin, akkar epwe rochola lupwen a tötä, nge maram esap chüen saramaram.

Aisea 17:12

A wor akürangen chomong mwichen aramas, ra akürang usun püngüpüngün no. A wor wörüwörün chomong mwü, ra wörüwör usun üngüngün chomong koluk.

Aisea 24:23

Mürin, maram me akkar repwe tinengauala ren ar säw, pun ewe Samol mi Unusen Manaman epwe nemenem won ewe chuk Sion, pwal lon Jerusalem. Iwe, ekewe souakomwen lon ewe telinimw repwe küna an ling.

Aisea 5:30

Lon ewe rän repwe ngüngü won Israel usun ngüngün noon lematau. Nge are eman epwe nenengeni ewe fanü, epwe chök küna rochopwak me riaföü. Iwe, saram epwe rochola ren kuchu.

Aisea 51:15

Pun ngang ewe Samol mi Lapalap om Kot, itei Samol mi Unusen Manaman. Üa amwökütü nonoon lematau pwe repwe ngüngü.

Jeremaia 4:23

Üa nengeni fanüfan pwe a tala o pöön. Üa netä läng o küna pwe esap wor an saram.

Taniel 12:1

Iwe, ewe chon läng a pwal üra, “Lon ewe fansoun Mikael ewe samolun chon läng kana, ewe chon peni aramasom, epwe war. Epwe wor eu fansoun riaföü esamwo fis seni me lom, lupwen mwü rekärän poputä tori ei fansoun. Nge lupwen epwe tori ei fansoun, aramasom meinisin mi mak iter lon nöün Kot we puk repwe küna manau.

Mika 7:4

Ewe mi fokun mürina me leir a usun chök pötöwölingau, nge ewe mi fokun wenechar me leir a usun chök eu tit seni irafölüföl. A war ewe ränin än Kot apwüngü ekewe aramas, usun a fen asile ngeniir me ren ekewe soufos. Iei ra nom lon fitikoko.

Mateus 24:29

“Lon ewe chök otun mürin ewe fansoun riaföü, akkar epwe rochola, maram esap chüen tittin, ekewe fü repwe turutiu me läng, nge ekewe manamanen läng repwe mwöküt seni lenier.

Mateus 27:45

Lupwen a tori leoloasen ewe rän, unusen ewe fanü a rochopwak lon ükükün ülüngat awa.

Markus 13:24

“Lon ekana rän, mürin ewe fansoun riaföü, akkar epwe rochola, maram esap chüen tittin,

Markus 13:26

Lon ena fansoun aramas repwe küna Nöün Aramas epwe feito won kuchu ren manaman me ling mi lapalap.

Markus 15:33

Lupwen a tori leoloasen ewe rän, unusen ewe fanü a rochopwak lon ükükün ülüngat kulok.

Lukas 21:24

Ekoch repwe ninnila ren ketilas, nge pwal ekoch repwe oola lon ekewe fanü meinisin. Iwe, ekewe chon lükün Israel repwe purätiu Jerusalem tori fansoun än chon lükün Israel nemenem a wes.

Lukas 21:26

Aramas repwe masarochola ren ar niuokus, lupwen ra witiwiti mine epwe fis won fanüfan, pun ekewe manamanen läng repwe mwöküt seni lenier.

Föför 2:19

Üpwe awarato manaman seni läng o föri asisil won fanüfan. Epwe wor cha me ekkei me kuchu mi ötüöt usun ötüötün ekkei.

Pwärätä 20:11

Mürin üa küna eu lenien motun king mi watte o pwechepwech me ewe eman mi mot won. Fanüfan me läng ra süla seni mwen mesan, nge esap chüen wor leni fän iter.