Lukas 21:24 - Chuukese Bible

²⁴ Ekoch repwe ninnila ren ketilas, nge pwal ekoch repwe oola lon ekewe fanü meinisin. Iwe, ekewe chon lükün Israel repwe purätiu Jerusalem tori fansoun än chon lükün Israel nemenem a wes.

Lukas 21:24 Iomraidhean Croise

Keneses 34:26

Ra pwal niela Hamor me Sikem nöün we. Mürin ra angei Tina seni lon imwen Sikem o süla fan.

Ekistos 17:13

Iwe, Josua a akufu ekewe sounfiun Amalek meinisin o nirela.

Aisea 5:5

Iwe, iei üpwe asile ngenikemi mine üpwe föri ngeni ai tanipi. Üpwe ütti ekewe irä mi tii ünükün ewe tanipi o ataela ewe tit pwe ekewe manmwacho repwe tolong. Repwe eni ekewe irän wain o puriretiu.

Aisea 63:18

Äm noum aramas mi pin aia imweni imwom mi pin fansoun mochomoch chök, nge iei ekewe chon oputakem ra purätiu imwom.

Aisea 66:12

Iei alon ewe Samol mi Lapalap, “Üpwe apupuolong kinamwe lon Jerusalem usun chök eu chanpupu, pwal wöün ekewe mwün fanüfan usun chök öütöüten lon öüwö. Iwe, Jerusalem epwe aoupukemi, epwe ämmwakemi o apwapwakemi won afön.

Aisea 66:19

Iwe, üpwe aürätä eu asisil lefiler. Üpwe tinala ekoch mi chüen manau me leir ngeni ekewe mwün fanüfan, ngeni Tarsis me chon Lipia me chon Litia, ir ätekewe mi föükus le likapich, ngeni Tupal me Kriis, pwal ngeni ekewe fanüen lematau resamwo rongorong iteüöchi ika küna lingei. Iwe, repwe pwärätä ai ling lein chon ekewe mwün fanüfan.

Kölün kechü 1:15

Ewe Samol mi Lapalap a esita nei kewe sounfiu mi pwora meinisin mi nom rei. A tinato eu mwichen sounfiu pwe repwe afeiengaua nei kewe alüal Ewe Samol mi Lapalap a puri nei aramas, usun eman a puri föün irän wain.

Taniel 12:7

Iwe, ewe mwän mi üföüf üf mi pwechepwech o ütä asen ewe chanpupu a aitietä läng pöüifichin me pöüimöngün. Üa rong pwe a akapelü Ewe mi Manau tori feilfeilachök o apasa, “Epwe la ülüngat esop ier, nge lupwen manamanen ewe mi ariaföüü ekewe aramas mi pin epwe wes, ekei mettoch meinisin repwap pwönüetä.”

Taniel 8:13

Mürin üa rongorong pwe eman chon pin a aisini pwal eman chon pin, “Ifa ükükün fansoun än ekewe mettoch mi pwä repwe fis? Ifa ükükün fansoun an epwe ouwongaua pinin ewe asoren kek mi fis iteiten rän? Nge ifa ükükün fansoun än ewe mächä purätiu ewe imw mi pin me ewe mwich?”

Taniel 9:27

Lon ükükün fisu ier ewe samol epwe föri eu pwon mi nüküchar ngeni chomong aramas, nge lukalapen ekewe fisu ier epwe aükätiu ewe asoren kek me ewe asoren mongö. Iwe, ewe mi afisätä tatakis epwe anomu eu mettoch mi fokun anioput lon ewe Leni mi Fokun Tekia lon ewe Imwenfel, tori Kot epwe atolonga ätewe lon ewe feiengau a fen apwüngala won.”

Malakai 1:11

Pun seni ewe ia akkar a töta me ie tori ewe ia a tuputiu me ie chon ekewe mwü ra asamolu itei. Ekis meinisin ra eäni asor apach mi pwokus ngeniei, eu asor mi limöch. Pun chon ekewe mwü ra asamoluei.

Lukas 21:25

“Iwe, epwe wor ekoch lapalap epwe fis ngeni akkar, maram me fü kana. Nge won fanüfan chomong fanü repwe nom lon watten riaföü, repwe niuokus ren ngüngün matau me püngüpüngün no.

Nöün Paulus Toropwe ngeni ekewe Souläng lon Rom 11:25

Ämi pwii kana, mi wor eu monomon mi enlet üa mochen pwe ämi oupwe silei, pwe ousap ekieki püsin ämi tipachem. Iei ewe monomon: Än chon Israel ülöförea lon letiper esap soposopola, nge epwe chök müchüla lupwen epwe unus iteiten chon lükün Israel repwe feito ren Kot.

Ipru 11:34

o kunuela ekkei mi fokun sarara, ra sü seni ar repwe ninnila ren ketilas. Ra apwangapwang, nge ra pöchökületä, ra pwora lon maun o akufu ekewe mwichen sounfiun chon ekis.

Pwärätä 11:2

Nge kosap aükü ekewe leni lükün ewe imwenfel, pun Kot a ngeni ekewe chon lükün Israel ar repwe puri ewe Telinimw mi Pin lon ükükün faik me ruu maram.