Lukas 21:22 - Chuukese Bible

²² Pun iei ekewe ränin apwüng, nge epwe popuetä meinisin mine a mak lon ekewe Toropwe mi Pin.

Lukas 21:22 Iomraidhean Croise

Aisea 34:8

Pun iei fansoun än ewe Samol mi Lapalap epwe amanaua Sion o ngeni chon oputan chappen ar föför.

Aisea 61:2

A tinieito, pwe üpwe aronga ngeni nöün aramas pwe ewe ierin än ewe Samol mi Lapalap chen a war, pwal ewe ränin än Kot apwüngü chon oputer. Iwe üpwe achipa meinisin mi letipeta lon Sion.

Aisea 63:4

Pun üa ekieki lon letipei pwe ewe fansoun ai üpwe amanaua nei aramas a war, pwal ewe fansoun ai üpwe ngeni chon oputer chappen ar föför.

Jeremaia 51:6

Oupwe sü seni Papilon o kütta en me manauan. Ousap eti Papilon le mäla lon an apwüng, pun lon ei otun ewe Samol mi Lapalap epwe ngeni chappen an föför. Epwe liwini ngeni mine a pwüng ngeni an föför.

Osea 9:7

Ekewe ränin apwüng ra war, ekewe ränin angei liwinin föför ra war. Lupwen epwe fis ei, chon Israel repwe silei. Pokiten watten ämi tipis me watten ämi oput oua ekieki pwe ewe soufos a tiparoch, nge ewe mi mwökütüküt ren Ngünün Kot a fokun umwesila.

Malakai 4:1

Iei alon ewe Samol mi Unusen Manaman, “Nengeni, epwe war eu rän, epwe pulopul usun eu um. Iwe, ekewe chon lamalamtekia me ekewe chon föföringau repwe wewe ngeni fetilipwas. Lon ewe rän ekkei epwe kenirela pwe esap chüen wor eman lusun.

Mateus 1:22

Ekei mettoch meinisin ra fis pwe epwe pwönüetä met ewe Samol a kapas me ren ewe soufos:

Nöün Paulus Toropwe ngeni ekewe Souläng lon Rom 2:5

Nge lelukom a tipepöchökül o ülöförea. Iei mine ka püsin alapala om liwiningau lon ewe rän lupwen Kot epwe pwärala an song me an apwüngüwen.

Tuteronomi 32:34

Ifa usun, ewe Samol mi Lapalap esap iseis ei lon an imwen iseis, esap lokeelong lon an lenien iseis?

Tuteronomi 32:43

Ämi chon ekewe mwü, oupwe fiti nöün ewe Samol mi Lapalap kewe aramas le meseik, pun epwe apwüngü chokewe meinisin mi niela nöün chon angang o ngeni chon ü ngeni chappen ar föför, epwe pwal limeti fanüen nöün aramas seni tipis.”

2. Petrus 2:9

Ekei pworaus ra aiti ngenikich, pwe ewe Samol a silei usun an epwe amanaua ekewe aramas mi likitü lon ar lükü seni sosot, nge epwe amwöchü ekewe chon föföringau ngeni ewe Ränin Kapwüng, pwe epwe apwüngüür.

2. Petrus 3:7

Nge ekewe läng me ei fanüfan mi nom iei ra iseis ren ewe chök kapasen Kot pwe repwe tala ren ekkei. Ra nonom tori ewe rän, lupwen ekewe aramas resap meniniti Kot repwe küna kapwüng me mäla.