Lukas 21:21 - Chuukese Bible

²¹ Mürin chokewe mi nom lon Jutea repwe sütä won ekewe chuk. Chokewe mi nom lon ewe telinimw repwe towu seni, nge chokewe mi nom lemäl resap tolong lon ewe telinimw.

Lukas 21:21 Iomraidhean Croise

Keneses 19:17

Iwe, lupwen ra aweinerewu lükün, eman leir a üreniir, “Oupwe kaila o amanauakemi, nge ousap nesefäl. Ousap pwal üla lon ewe lemol, nge oupwe süla ngeni ekewe chuk pwe oute mäla.”

Keneses 19:26

Nge pwülüen Lot mi nom kukumwir a nesefäl o wiliti efoch üresalt.

Än Salomon Fos 22:3

Eman aramas mi mirit a küna ewe feiengau mi feito o opola, nge ekewe chon wewemang ra chök feilong lon o feiengau.

Jeremaia 35:11

Nge lupwen Nepukatnesar ewe kingen Papilon a feito pwe epwe maun ngeni ewe fanü, äm aia tipeeufengen pwe aipwe feila Jerusalem, pun aia niuokusiti ekewe sounfiun Papilon me ekewe sounfiun Siria. Iei popun äm aia nom lon Jerusalem.”

Jeremaia 37:12

Jeremaia ekärän towu seni Jerusalem pwe epwe feila ngeni ewe fanü Peniamin, pwe epwe angei inetin me won saman me ikenan.

Jeremaia 6:1

Ämi chon ewe ainangen Peniamin, oupwe sü seni Jerusalem o sü ngeni anaie oupwe kinamwe me ie. Oupwe ettiki ewe rappwa me lon Tekoa, oupwe aüetä eu asisil won Pet-akerem, pun feiengau me tatakis mi watte epwe feito seni efeng.

Numperis 16:26

Iwe, a üreni ekewe aramas, “Üa tüngor ngenikemi, oupwe feil seni imwen ekei mwän mi föföringau. Ousap atapa och pisekir, pwe ousap pwal etiir le tolong lon ewe feiengau epwe toriir pokiten ar kewe tipis.”

Mateus 2:1

Iwe, Jesus a uputiu lon Petleem lon ewe fanü Jutea lon mwün ewe king Herotes. Mürin ekis fansoun, ekoch mwän mi silelapei pekin kaiö ngeni fü seni fanüen ötiu ra feito Jerusalem.

Mateus 24:16

Mürin chokewe mi nom Jutea repwe sütä won ekewe chuk.

Markus 13:15

Eman aramas mi nom won imwan, esap wor an fansoun an epwe tötiu o tolong lon imwan pwe epwe angei och.

Pwärätä 18:4

Mürin üa rongorong möngüngün eman seni läng a apasa, “Oupwe towu, oupwe towu nei aramas seni lon Papilon! Iwe, ousap eti le föri an kewe tipis, pwe ousap angei och seni an kewe feiengau.