Lukas 21:16 - Chuukese Bible

¹⁶ Sememi mwo me inemi, pwimi, aramasemi me chiechiemi nge repwe afangamäkemi, nge ekoch leimi repwe ninnila.

Lukas 21:16 Iomraidhean Croise

Jeremaia 12:6

Pun püsin pwiüm kewe me chon leimwen semom ra afangamääk, ra tapweruk nge puchör. Kosap lüküür, inamwo ika ra kapas pwetete ngonuk.”

Jeremaia 9:4

Iteiten eman me eman epwe afäli ren chiechian, esap pwal anomu an lükülük won pwin, pun iteiten eman me eman pwipwi a atupu pwin, nge iteiten eman me eman chiechi a aitengaua chiechian.

Mateus 10:21

Iwe, pwipwi repwe afangamä pwiir ngeni mäla, eman sam epwe afangamä nöün. Nge ekewe nau repwe ü ngeni semer me iner o aturuur pwe repwe ninnila.

Markus 13:12

Iwe, pwipwi repwe afangamä pwiir ngeni mäla, eman sam epwe afangamä nöün, nge ekewe nau repwe ü ngeni semer me iner o aturuur, pwe repwe ninnila.

Lukas 12:53

Samasam repwe ü ngeni nöür mwän, nge ekewe mwän repwe ü ngeni semer. Inein repwe ü ngeni nöür fefin, nge ekewe fefin repwe ü ngeni iner. Iwe, inen pwülüen ekewe fefin repwe ü ngeni pwülüen nöür kewe mwän, nge ekewe fefin repwe ü ngeni inen pwülüer kewe.”

Lukas 21:15

pun üpwe fang ngenikemi ekewe kapas me tipachem, pwe esap wor eman chon oputakemi epwe tongeni ü ngenikemi ika öpölüakemi.

Lukas 21:17

Aramas meinisin repwe oputakemi pokitei.

Föför 12:2

A niela James pwiin Johannes ren ketilas.

Föför 7:59

Iwe, lupwen ar momonei Stefanus ngeni fau, i a kökkö lon an iotek ngeni ewe Samol, “Ai Samol Jesus, kopwe etiwa ngüni!”

Pwärätä 12:11

Pwiich kewe ra akufu Satan ren chaan ewe Lam, ren ewe kapasen manau ra pwärätä, pwal ren ar mochen fangatä manauer pwe repwe mäla.

Pwärätä 2:13

Üa silei ia ka nom ie, lon ewe leni ia än Satan lenien motun king a pwal nom ie. Ka allükülük ngeniei o kosap likitala om lüküei, inamwo ika lon ewe fansoun Antipas, nei chon pwärätä mi allükülük, a ninnila lon ewe leni ia Satan a nom ie.

Pwärätä 6:9

Mürin ewe Lam a ülei ewe alimuen pwau. Iwe, üa küna fän ewe rongen asor ngünün chokewe mi ninnila pokiten ar arongafeili än Kot kapas o eäni allükülük lon ar pwärätä itan.