Lukas 21:15 - Chuukese Bible

¹⁵ pun üpwe fang ngenikemi ekewe kapas me tipachem, pwe esap wor eman chon oputakemi epwe tongeni ü ngenikemi ika öpölüakemi.

Lukas 21:15 Iomraidhean Croise

Än Salomon Fos 2:6

Pun ewe Samol mi Lapalap a fangala tipachem, i a atowu silelap me weweöch.

Jeremaia 1:9

Mürin, ewe Samol mi Lapalap a aitiewu pöün, a atapa awei o üreniei, “Nengeni, üa anöünöüuk fos.

Isikiel 29:21

Iwe, lupwen epwe fis ei, mürin üpwe aüsefälietä mwün Israel o atufichisefäliik, Isikiel, pwe kopwe tufichin kapas lefiler. Mürin repwe silei pwe ngang ewe Samol mi Lapalap.”

Lukas 12:12

Pun Ngünmifel epwe aiti ngenikemi lon ewe chök otun mine oupwe apasa.”

Lukas 21:16

Sememi mwo me inemi, pwimi, aramasemi me chiechiemi nge repwe afangamäkemi, nge ekoch leimi repwe ninnila.

Lukas 24:45

Mürin a suki letiper, pwe repwe tongeni weweiti masouen ekewe Toropwe mi Pin.

Föför 2:4

Iwe, ir meinisin ra urela ren Ngünmifel o ra popuetä le kapas lon kapasen ekis usun Ngünmifel a amwelielier.

Föför 24:25

Nge lupwen Paulus a sopwela le kakapas usun pwüng, usun ach sipwe tongeni nemeni püsin inisich, pwal usun ewe ränin kapwüng lon ewe fansoun lesopolan, Feliks a niuokus o apasa, “Kopwe feila iei, ngang üpwe kökkörisefäluk lupwen epwe wor ai fansoun mi fich.”

Föför 26:28

Mürin Akripa a üreni Paulus, “Ka ekieki pwe ka tongeni peseei lon ei fansoun mochomoch, pwe üpwe soulängila?”

Föför 6:10

Nge Ngünmifel a ngeni Stefanus tipachem, pwe lupwen a kapas, ir resap tongeni pölüeni.

Efisos 6:19

Oupwe pwal iotek fän itei pwe Kot epwe aiti ngeniei ekewe kapas üpwe apasa lon ai afalafal, pwe üpwe pwora le kapas o asile ngeni aramas monomonen ewe Pworausen Manau.

James 1:5

Nge are eman leimi a osun tipachem, epwe tüngor ngeni Kot, iwe, i epwe fang ngeni, pun Kot a fangafangöch ngeni aramas meinisin, nge esap laleiti eman.