Lukas 21:12 - Chuukese Bible

¹² Nge me mwen ekewe mettoch meinisin repwe fisitä, repwe turufikemi o ariaföüükemi, repwe etekinikemiila pwe oupwe kapwüng lon ekewe imwen felikis o atolongakemi lon imwen fötek. Repwe pwal emwenikemiila mwen ekewe king me kepina pokiten itei.

Lukas 21:12 Iomraidhean Croise

Mateus 22:6

nge pwal ekoch ra turufi ekewe chon angang, ra wichiir o niirela.

Mateus 24:8

Ekei riaföü meinisin ra usun chök ekewe metek eman fefin a eäni me mwen an epwe nöünöüla.

Lukas 21:11

Epwe wor watten chechen fanü, pwal lengita me mätter ekis meinisin. Epwe pwal wor asisil mi watte o eniweniw seni fän läng.

Johannes 15:20

Oupwe chechemeni pwe üa ürenikemi, ‘Esap wor eman chon angang a lap seni an masta.’ Are ra ariaföüüei, repwe pwal ariaföüükemi. Are ra aleasochisi ai kewe kapas, repwe pwal aleasochisi ämi kewe kapas.

Johannes 15:21

Repwe föri ngenikemi ekei mettoch meinisin, pokiten ämi nei. Pun resap silei ewe mi tinieito.

Föför 22:30

Iwe, ewe sounemenemen sounfiu a wesewesen mochen küttaöchü met ekewe chon Juta ra atipisi Paulus won. Iei mine sorotän ewe rän a apichi ekewe sein Paulus a föfö ngeni, a pwal allük ngeni ekewe souasor mi lap me unusen ewe mwichen soupwüng pwe repwe mwichfengen. Mürin a angei Paulus o aütai me mwer.

Föför 5:40

Iwe, ra köralong ekewe soukünö. Mürin ra allük ngeni ekewe chon mas pwe repwe wichiir, ra pwal pöchökül le fönöü ngeniir, pwe resap fokun chüen afalafal usun iten Jesus. Mürin ra amuseerela.

Föför 8:3

Nge Saul a popuetä le atala mwichefel. A feila ngeni imw me imw o etekinawu ekewe chon lükü, mwän me fefin, o atolongeer lon imwen fötek.

Föför 9:4

Iwe, a turutiu le pwül, nge a rongorong eu möngüngü mi üreni, “Saul, Saul, pwota ka ariaföüüei?”

1. Petrus 2:13

Fänäsengesin ach we Samol oupwe aleasochisi nöüwisen ekewe mwü: Oupwe aleasochisi ewe king, pun i ewe samol mi lap,

Pwärätä 2:10

Kosap niuokusiti och riaföü epwe toruk. Nengeni, ewe Tefil epwe sotunikemi ren an epwe aturalong lon imwen fötek ekoch me leimi, nge oupwe küna riaföü lon ükükün engol rän. Kopwe likitü le lükü, inamwo ika kopwe tolong lon mäla, iwe, üpwe ngonuk ewe mwärin manau.