Lukas 21:10 - Chuukese Bible

¹⁰ Mürin a pwal üreniir, “Ekewe fanü repwe fiufengen, ekewe mwü repwe maunfengen.

Lukas 21:10 Iomraidhean Croise

Aisea 19:2

Iwe, ewe Samol mi Lapalap a üra, “Üpwe afiu chon Isip pwe eman epwe fiufengen me pwin, iteiten eman me eman epwe fiu ngeni chon arun. Eu telinimw epwe ü ngeni pwal eu telinimw, nge eman mi mochen king epwe ü ngeni ewe king.

Sekaraia 14:13

Lon ena fansoun ewe Samol mi Lapalap epwe awarato wor fitikoko me niuokus watte, pwe eman me eman epwe turufi chienan o fiu ngeni.

Markus 13:8

Ekewe fanü repwe fiufengen o ekewe mwü repwe maunfengen. Epwe wor chechen fanü me lengita ekis meinisin. Ekei riaföü ra usun chök ekewe metek eman fefin a eäni mwen an epwe nöünöüla.

Lukas 21:11

Epwe wor watten chechen fanü, pwal lengita me mätter ekis meinisin. Epwe pwal wor asisil mi watte o eniweniw seni fän läng.

Lukas 21:9

Ousap fokun niuokus lupwen oupwe rongorong pworausen maun me fitikoko. Ekei mettoch repwe akomwen fis, nge esap tori mwo fansoun sopolan.”

Föför 11:28

Eman leir itan Akapus a ütä o osuni fän manamanen ewe Ngünmifel, pwe eu mailengita epwe tori unusen fanüfan. (Ei a fis lon mwün Sisar Klautius.)

Ipru 12:27

Ewe kapas “pwal fän eu” a pwärätä pwe ekewe mettoch mi för repwe chechech o morola, pwe ekewe mettoch resap tongeni chechech repwe nonomola.