Lukas 21:1 - Chuukese Bible

¹ Iwe, Jesus a nenefeil o küna ekewe chon pisekisek ra püngülong ar asor lon ewe lenien asor me lon ewe imwenfel.

Lukas 21:1 Iomraidhean Croise

1. King 14:26

A angei ekewe pisek mi aüchea me lon imwen ewe Samol mi Lapalap, pwal ekewe pisek mi aüchea me lon imwen ewe king o uweerela meinisin. A pwal uweala ekewe tittin maun seni kolt meinisin Salomon a föriir.

2. King 12:9

Mürin, ewe souasor Jehoiata a angei eu pwor, a föri eu pwang won öppüngün o iseni ünükün ewe rongen asor me pelifichin ewe asamen tolong lon imwen ewe Samol mi Lapalap. Iwe, ekewe souasor mi mamasa ewe lenien tolong ra atolonga lon ewe pwor ewe moni meinisin aramas ra uwato lon imwen ewe Samol mi Lapalap.

2. King 24:13

o uwala ekewe pisek aüchea meinisin seni lon imwen ewe Samol mi Lapalap, pwal seni lon imwen ewe king. A ettätiu ekewe kolt meinisin seni pisekin lon imwen ewe Samol mi Lapalap, Salomon ewe kingen Israel a föriir, pun iei usun ewe Samol mi Lapalap a fen apasa.

2. Kronika 36:18

A pwal uwala Papilon pisekin ewe imwenfel meinisin, ekewe pisek kükün me watte, pwal ekewe pisek aüchea seni lon imwen ewe Samol mi Lapalap me ekewe pisek aüchea meinisin än ewe king me nöün kewe nöüwis.

Nehemia 13:13

Iwe, üa filätä ekoch mwän pwe repwe tümwünü ekewe rumwen iseis: ewe souasor Selemia, Satok ewe sousile allük me Petaia seni chon ewe ainangen Lefi. Nge ewe mi wisen alisiir Hanan nöün Sakur we mwän, nge Sakur nöün Matania. Iwe, a pwä pwe ätekei ir mwän mi allükülük, ra wisen ainetöchü ekewe mongö ngeni märärir kewe.

Mateus 27:6

Nge ekewe souasor mi lap ra angei ekewe föün moni o apasa, “Ei moni liwinin cha, a ngau ngeni allükün ach lamalam pwe sipwe atolonga lon monien imwenfel.”

Lukas 20:47

Ra angemwäli imwen ekewe fefin mi mä pwülüer, mürin ra einga ngeni aramas ar iotek mi langatam. Ätekewe repwe küna apwüng mi fokun chou.”

Johannes 8:20

Ekei kapas Jesus a aea lupwen a afalafal lon ewe imwenfel, lon ewe leni ia ekewe lenien asor ra nom ie. Iwe, esap wor eman a turufi, pun esap tori mwo an fansoun.

Josua 6:19

Nge silifer me kolt meinisin me ekewe sepi mi för seni piras me mächä ra pin fän iten ewe Samol mi Lapalap. Repwe tolong lon än ewe Samol mi Lapalap lenien iseis.”

Josua 6:24

Mürin ra keni ewe telinimw me meinisin mine a nom lon. Nge silifer me kolt, pwal ekewe sepi mi för seni piras me mächä ra iseis lon ewe lenien iseis lon imwen ewe Samol mi Lapalap.