Lukas 20:38 - Chuukese Bible

³⁸ Kot än ekewe mi manau Kot, nge sap än ekewe mi mäla, pun ren i aramas meinisin ra tongeni eäni manau.”

Lukas 20:38 Iomraidhean Croise

Mateus 22:32

‘Ngang än Apraham, Isaak me Jakop we Kot!’ Ei Kot än ekewe mi manau Kot, nge sap än ekewe mi mäla.”

Markus 12:27

Kot än ekewe mi manau Kot, nge sap än ekewe mi mäla. Ämi oua fokun mwäl.”

Lukas 20:39

Iwe, ekoch me lein ekewe Sensen Allük ra apasa, “Sense, a fokun mürina om kapasen pölüen.”

Johannes 14:19

Mürin ekis chök fansoun, chon fanüfan resap chüen künaei. Nge ämi oupwe künaei. Iwe, pokiten ngang üa manau, ämi oupwe pwal manau.

Johannes 6:57

Ewe Sam mi manau a tinieito, o pokiten ewe Sam ngang üa pwal manau. Iei usun iö mi mongö fitukei epwe manau pokiten ngang.

2. Korint 13:4

Pun inamwo ika Kraist a iräpenges lon an apwangapwang, nge a manau ren än Kot manaman. Pwal äm aia apwangapwang lon Kraist, nge ren manamanen Kot aipwe eti Kraist le manau, pwe aipwe angang ngenikemi.

2. Korint 6:16

Ifa usun, än Kot imwenfel me uluulun anümwäl ra tongeni nonomfengen? Pun kich än ewe Kot mi manau imwenfel. Usun Kot a apasa, “Üpwe nonom rer o fetalfeil lefiler. Ngang üpwe ar Kot, nge ir repwe nei aramas.”

Ipru 11:16

Nge ra ösüküsükü eu fanü mi mürina seni, ewe fanü mi nom läng. Iei mine Kot esap säwäsiniir ar repwe aita ngeni i ar Kot, pun a amolätä eu telinimw fän iter.

Pwärätä 22:1

Mürin ewe chon läng a pwal aküna ngeniei ewe chanpupun kolukun manau, a kurufat usun ewe fau itan kristal, a pupu seni fän än Kot me än ewe Lam lenien motun king