Lukas 20:34 - Chuukese Bible

³⁴ Jesus a üreniir, “Lon ei fansoun mwän me fefin ra pwüpwülü,

Lukas 20:34 Iomraidhean Croise

Mateus 12:32

Iö a apasa och kapasen ü ngeni Nöün Aramas a tongeni musala. Nge iö a apasa och kapasen ü ngeni Ngünmifel esap fokun musala lon ei fansoun ikenai tori feilfeilachök.

Lukas 16:8

Iei mine ewe samol a ingeiti ewe chon souwa mi atuputup, pun a eäni tipachem lon an föför. Pun aramasen ei fanüfan ra kon tipachem lon ar angang ngeni pilor kana, lap seni ekewe aramas mi nonom lon saram.”

Lukas 17:27

Ra momongö o ükün, ra pwüpwülü o akapwüpwülüür tori ewe rän lupwen Noa a tolong lon ewe waimw o ewe noter a war o niirela meinisin.

Lukas 20:33

Iwe, lon ewe ränin, lupwen ekewe sotup repwe manausefäl, iö me leir epwe pwülüeni ewe fefin? Pun ir me füman ra pwüpwülü ngeni.”

Efisos 5:31

Usun a mak lon ekewe Toropwe mi Pin, “Iei mine eman mwän epwe likitala saman me inan o pache ngeni pwülüan, nge ekewe ruoman repwe wiliti eu chök inis.”

Ipru 13:4

Aramas meinisin repwe aücheani pwüpwülü. Ekewe mi pwüpwülü resap kirikiringaufengen lefiler, pun Kot epwe apwüngü chokewe mi lisowu ngeni mi lipich, pwal chokewe mi lisowu ngeni mi pwüpwülü.