Lukas 20:21 - Chuukese Bible

²¹ Ekei chon op ra üreni Jesus, “Sense, äm aia silei pwe ka kapas o afalafal fän wenechar. Aia pwal silei pwe kosap nenengeni nonomun aramas, nge ka afalafala mine a let usun letipen Kot ngeni aramas.

Lukas 20:21 Iomraidhean Croise

2. Kronika 19:7

Iei mine oupwe niueiti ewe Samol mi Lapalap. Oupwe föröchü pwüngün ämi kapwüng, pun ewe Samol mi Lapalap ach we Kot esap tipeeu ngeni ämi atoka mine a pwüng, ika ämi lifilifil ngeni aramas, ika ämi angei lifangen amichimich.”

Hiop 34:19

Esap lifilifil ngeni samol, esap pwal aücheani ekewe chon wöümong lap seni ekewe chon wöüngau, pun a föriir meinisin.

Kölfel 12:2

Iteiten eman me eman a chofana ngeni chon arun. Ra chök eäni kapas atuputup lefiler.

Kölfel 55:21

An fos a mwotoutou seni pwötö, nge ekiekin maun a nom lon lelukan. An kewe kapas ra pwetete seni lö, nge ra ken usun chök kenin ekewe ketilas.

Mateus 22:16

Ra tinala ren Jesus ekoch nöür kewe chon kaiö me ekoch chiechien Herotes pwe repwe üreni, “Sense, äm aia silei pwe en ka kapas wenechar. Ka afalafala mine a let usun letipen Kot fän iten aramas, nge kosap ekieki mine aramas ra eäni ekiek, pun kosap nenengeni wisen eman.

Markus 12:14

Iwe, ra feito ren Jesus o üreni, “Sense, äm aia silei pwe ka kapas wenechar, nge kosap ekieki mine aramas ra eäni ekiek. Kosap nenengeni wisen eman, nge ka afalafala usun letipen Kot fän iten aramas. Kopwe ürenikem ika a pwüng ach sipwe mönätiu ach takises ngeni Sisar ika ese pwüng.

Lukas 20:20

Iei mine ra mamasa Jesus o tinala chon operi i mi pomweni pomwen aramas mi öch, pwe repwe särei Jesus ren ar kapas ais, pun repwe tongeni atolonga fän nemenemen me pöchökülen ewe kepina.

Lukas 20:22

Kopwe ürenikem ika a pwüng ach sipwe mönatiu ach takises ngeni Sisar ika ese pwüng?”

Johannes 3:2

Lon eu pwin ätei a feila ren Jesus o üreni, “Rabbi, äm aia silei pwe en eman sense Kot a tinato. Pun esap wor eman a tongeni föri ekei sokun manaman en ka föri are Kot esap eti.”

2. Korint 2:17

Äm aisap usun ekewe chomong aramas ra aea än Kot kapas minen amömö fän iten ar repwe kütta win. Nge pokiten Kot a tinikem, äm aia kapas fän wenechar mwen mesan usun nöün Kraist chon angang.

Kalatia 1:10

Ifa usun, üa sotuni ai üpwe apwapwai letipen aramas? Apwi! Üa mochen kütta met Kot epwe pwapwa ren! Ifa usun, üa sotuni ai üpwe kütta itei me ren aramas? Are üpwe chüen kütta itei me ren aramas, ngang üsap nöün Kraist chon angang.

Kalatia 2:6

Nge ätekewe, aramas ra apasa pwe ir souakom, üa apasa ei pokiten esap lifilifil me rei met sokun aramas ir. Kot esap nenengeni lapalapen aramas me lükün, üpwe apasa, ekei souakom resap apasa pwe üpwe siwili och lon ai afalafal.