Lukas 20:17 - Chuukese Bible

¹⁷ Nge Jesus a nenengeniir o apasa, “Ifa chök wewen ekei kapas me lon ewe Toropwe mi Pin? ‘Ei fau ekewe chon kaü imw ra pöütala, pun resap aücheani, a wiliti ewe föün lepwokuku mi fokun aüchea.’

Lukas 20:17 Iomraidhean Croise

Kölfel 118:22

Ewe fau ekewe chon kaü imw ra pöütala a wiliti ewe föün lepwokuku mi fokun aüchea.

Aisea 28:16

Iei mine Kot ewe Samol mi Lapalap a apasa, “Nengeni, üa anomu lon Sion eföü föün longolong mi nüküchar, eföü föün lepwokuku mi aüchea o pos. Iö a lükü i esap lichipüng.

Sekaraia 10:4

Seni me leir epwe feito ewe föün lepwokuku me ewe chüfölün imw mangaku, seni me leir epwe feito ewe föün esefichin maun me ekewe sounemenem meinisin.

Sekaraia 3:9

Üa isetiu fän mesen Josua eföü chök fau mi wor fisu lepekin. Üpwe ruputi och kapas won, nge lon eu chök rän üpwe amoela än chon ewe fanü tipis.

Mateus 21:42

Iwe, Jesus a üreniir, “Ousamwo fen aleani lon ekewe Toropwe mi Pin? ‘Ewe fau ekewe chon kaü imw ra pöütala pun resap aücheani a wiliti ewe föün lepwokuku mi fokun aüchea. Iei än ewe Samol föför a fokun amwarar mwen mesach!’

Markus 10:23

Iwe, Jesus a kulu ngeni nöün kewe chon kaiö o a üreniir, “A men fokun weires ngeni ekewe aramas mi pisekisek ar repwe tolong lon Mwün Kot.”

Markus 12:10

Oua fen aleani ekei kapas lon ewe Toropwe mi Pin, ‘Ewe fau ekewe chon kaü imw ra pöütala, pun resap aücheani a wiliti ewe föün lepwokuku mi fokun aüchea.

Markus 3:5

Jesus a nenengeniir fän an song, nge a pwal letipeta, pun ra üleförea lon letiper. Mürin a üreni ewe mwän, “Kopwe aitiewu poumw.” Iwe, a aitiewu pöün, iwe, a pöchökülsefäl.

Lukas 19:41

Iwe, Jesus a feila o arap ngeni ewe telinimw Jerusalem. Nge lupwen an küna, a kechüeiti.

Lukas 22:37

Pun üpwe ürenikemi, pwe ekei kapas mi mak lon ekewe Toropwe mi Pin repwe pwönüetä fän itei, ‘I a alealong lein ekewe chon pupungau.’ Pun meinisin mine a mak fän itei epwe pwönüetä.”

Lukas 22:61

Iwe, ewe Samol a kul o newenewen ngeni Petrus. Iwe, Petrus a chechemeni pwe ewe Samol a fen üreni, “Mwen än ewe chuko epwe kökkö lepwinei, en kopwe amamäsiniei fän ülüngat.”

Lukas 24:44

Mürin a üreniir, “Iei met üa fen ürenikemi pwe epwe fis, lupwen üa chüen nonom remi: Meinisin mine a mak usi lon än Moses we Allük, pwal lon ekewe puken soufos me Kölfel epwe fokun pwönüetä.”

Johannes 15:25

Nge ei a fis pwe epwe pwönüetä mine a mak lon pwüngün ar lamalam, ‘Ra oputaei, nge esap wor popun.’

Föför 4:11

Iwe, Jesus i ätewe ekewe Toropwe mi Pin ra kapas usun, ‘Ewe fau ekewe chon kaü imw ra pöütala a wiliti eföü fau mi fokun aüchea seni meinisin.’

Efisos 2:20

Pwal ämi oua köütä won ewe longolong mi för ren ekewe soukünö me ekewe soufos, nge püsin Kraist Jesus i ewe föün lepwokuku.

1. Petrus 2:6

Pun iei mine a mak lon ekewe Toropwe mi Pin, “Üa filätä eföü fau mi fokun aüchea, üa anomu lon Sion, pwe epwe eföü föün lepwokuku. Iö a lükü i esap fokun lichipüng.”