Lukas 20:11 - Chuukese Bible

¹¹ Iei mine a tinala pwal eman nöün chon angang, nge ekewe chon mälämäl ra pwal wichi, ra föri ngeni sokun föför pwe epwe säw ren o tinala fän an asöülapö.

Lukas 20:11 Iomraidhean Croise

Osea 10:1

Chon Israel ra wewe ngeni efoch irän wain mi mwuresires o ua. Lupwen a chomongola uar, ra pwal senätä chomong rongen asor. Lupwen fanüer a öchüla, ra pwal aöchüla ar kewe ür mi pin ra fel ngeni.

Markus 12:4

Mürin ewe mine an ewe tanipin wain a tinala pwal eman nöün chon angang. Iwe, ekewe chon mälämäl ra akinasa möküran o föri ngeni sokun föför, pwe epwe säw ren.

Lukas 20:10

Lupwen a tori fansoun kinikin, a tinala eman nöün chon angang ren ekewe chon mälämäl, pwe epwe angei seniir wisan me lon ekewe föün wain. Nge ekewe chon mälämäl ra wichi ewe chon angang o tinala fän an asöülapö.

Lukas 20:12

Mürin a tinala aülümanün nöün chon angang. Iwe, ekewe chon mälämäl ra akinasa o asüela.

Föför 7:52

Ifa usun, mi wor eman soufos ämi kewe lewo resap ariaföüü? Ra niela nöün Kot kewe chon künö, chokewe ra arongato me lom usun waren nöün Kot we Chon Angang mi pwüng. Iwe, iei ämi oua afangamä i o niela.

1. Tesalonika 2:2

Ämi oua silei pwe aia fen küna riaföü me itengau lon Filipi me mwen äm feito remi lon Tesalonika. Inamwo ika a wor chomong chon ü ngenikem, nge ach Kot a ngenikem pwora pwe aipwe aiti ngenikemi ewe Pworausen Manau mi feito seni i.