Lukas 20:10 - Chuukese Bible

¹⁰ Lupwen a tori fansoun kinikin, a tinala eman nöün chon angang ren ekewe chon mälämäl, pwe epwe angei seniir wisan me lon ekewe föün wain. Nge ekewe chon mälämäl ra wichi ewe chon angang o tinala fän an asöülapö.

Lukas 20:10 Iomraidhean Croise

1. King 22:24

Mürin, ewe soufos Setekia a kan ngeni Mikaia, a pösapei o üra, “Inet Ngünün ewe Samol mi Lapalap a towu seniei pwe epwe kapas ngonuk?”

2. King 17:13

Nge ewe Samol mi Lapalap a tinala nöün kewe soukünö me soufos ren ekewe chon Israel me chon Juta, pwe repwe üreniir, “Oupwe likitala ämi föför mi ngau o aleasochisi ai kewe allük me pwüüng, ekewe allük meinisin üa allük ngeni ämi kewe lewo, üa pwal tinala remi nei kewe chon angang ekewe soufos, pwe repwe asile ngenikemi.”

1. Kronika 19:4

Iei mine Hanun a turufi nöün Tafit kewe chon angang, a räisöüla alüser o pöküela üfer me lukalapen won wilar. Mürin a tinirela.

2. Kronika 16:10

Mürin, Asa a song ngeni ewe soufos pokiten an kei kapas. A fokun lingeringer pwe a aturalong lon imwen fötek. Lon ewe chök fansoun Asa a pwal fokun ariaföüü ekoch me lein ekewe aramas.

Nehemia 9:26

Iei mwo nge noum kewe aramas ra chök lükümach o ü ngonuk, ra pöütala om allük lükisökürür o niela noum kewe soufos mi fönöör pwe repwe kulsefälituk, ra pwal fokun turunufaseek.

Nehemia 9:30

Chomong ier ka mosonotam ngeniir, ka ngeni noum kewe soufos Ngünum pwe repwe tongeni fönöör, nge resap mochen aüselinga. Iei mine ka atolongeer fän nemenien ekoch mwü.

Kölfel 1:3

Ätekewe ra wewe ngeni irä mi mär ünükün ekewe chanpupu, ra ua lon fansoun räs, nge chör resap aiolol. Meinisin mine ra föri a fisiöch.

Jeremaia 2:30

Esor lomoten ai apwüngükemi, pun ousap mirit ren. Usun eman laion mi kütta ochan, iei usun ämi oua niela nöümi kewe soufos.

Jeremaia 20:2

Mürin, Pasur a akünöü eman pwe epwe wichi ewe soufos Jeremaia, epwe anükü pechen lefilen irä o anomu ünükün ewe Asamalapen Peniamin me asan me lon imwen ewe Samol mi Lapalap.

Jeremaia 35:15

Üa soun tinala remi nei chon angang meinisin ekewe soufos pwe repwe ürenikemi, pwe oupwe en me kul seni an lapalap mi ngau o siwili an föför, ousap pwal fel ngeni pwal ekoch kot o angang ngeniir. Mürin, oupwe imweimw lon ewe fanü üa ngenikemi me ämi kewe lewo. Nge ämi ousap aleasochis ika aüselingaei.

Jeremaia 5:24

Ousap ekieki lon lelukemi, ‘Ousipwe meniniti ewe Samol mi Lapalap ach we Kot, mi fang ngenikich üt lon fansoun öch, mi fang ngenikich ewe ütten lefen me ütten leres o awarato ngenikich ewe fansoun kinikin iteiten ier.’

Lukas 13:34

“Ämi chon Jerusalem, ämi chon Jerusalem, oua niela ekewe soufos o monei fau ngeni ekewe chon künö Kot a tiniireto remi. Fän chomong üa mochen achufengeni nöümi aramas, usun eman chuko a achufengeni nöün fan pöükässin, nge ämi ousap mochen.

Lukas 20:11

Iei mine a tinala pwal eman nöün chon angang, nge ekewe chon mälämäl ra pwal wichi, ra föri ngeni sokun föför pwe epwe säw ren o tinala fän an asöülapö.

Lukas 20:9

Mürin Jesus a apworausa ngeni ekewe aramas ei pworausen awewe, “A wor eman mwän a fotuki eu tanipin wain. Iwe, a awisa ekoch chon mälämäl pwe repwe tümwünü, mürin a saila lon eu fanü toau.

Johannes 15:16

Ämi ousap afiliei, nge ngang üa afilikemi o awisakemi, pwe oupwe feila o uani ua mi chomong, ewe sokun ua mi nonomola. Iei usun Semei epwe ngenikemi meinisin mine oua tüngor fän itei.

Nöün Paulus Toropwe ngeni ekewe Souläng lon Rom 7:4

Ämi pwii kana, ina chök pwal usun ämi, oua mäla ngeni ewe Allük pokiten ämi oua eu kinikinin inisin Kraist. Iei ämi oua nöün ätewe Kot a amanauasefäli seni mäla, pwe epwe wor uän ach angang ngeni Kot.