Lukas 2:46 - Chuukese Bible

⁴⁶ Mürin ülüngat rän ra küna me lon ewe imwenfel, pwe a mot lein ekewe sense, a aüseling ngeniir o kapas ais ngeniir.

Lukas 2:46 Iomraidhean Croise

1. King 12:12

Mürin ülüngat rän Jeropoam me ekewe aramas meinisin ra feito ren ewe king Rehopoam, usun i a fen kapas ngeniir pwe repwe liwinto.

1. King 12:5

Iwe, Rehopoam a üreniir, “Oupwe liwinla, nge mürin ülüngat rän oupwe liwinto rei pwe üpwe ngenikemi pälüen ämi tüngor.” Iei mine ekewe aramas ra feila.

Aisea 50:4

Iwe, Kot ewe Samol mi Lapalap a atufichiei le kapas pwe üpwe silei met sokun kapas üpwe achipa ngeni chon riaföü. Iteiten lesosor a föngüniei, a suki selingei pwe üpwe tufichin aüseling usun eman chon kaiö a aüseling.

Mateus 12:40

Pun usun Sona a nom lon luken ewe ik mi watte lon ükükün ülüngat rän me ülüngat pwin, iei usun Nöün Aramas epwe nom leutun fanüfan lon ükükün ülüngat rän me ülüngat pwin.

Mateus 16:21

Seni lon ena fansoun Jesus a popuetä le pwäri ngeni nöün kewe chon kaiö, pwe i epwe fokun feila Jerusalem, iwe, epwe küna riaföü me ren ekewe souakom, ekewe souasor mi lap me ekewe Sensen Allük. Repwe niela, nge mürin ülüngat rän epwe manausefälitä.

Lukas 2:47

Iwe, ir meinisin mi rongorong ngeni ewe ät ra mwar ren an weweöch me an silelap le pölüeni ekewe kapas ais.

Lukas 5:17

Lon eu rän, lupwen Jesus a afalafal, ekoch ekewe Farisi me Sensen Allük ra mot ren, ra feito seni ekewe telinimwen Kalilea me Jutea meinisin, pwal seni Jerusalem. Iwe, manamanen ewe Samol a nom ren Jesus, pwe a tufichin apöchöküla ekewe chon samau.

Johannes 3:10

Jesus a pölüeni, “En eman sense mi lap lon Israel, nge kosap weweiti usun ei?

Föför 5:34

Nge eman Farisi itan Kamaliel, eman Sensen Allük mi wor sufölün me ren ekewe aramas meinisin, a ütä me lon ewe mwichen soupwüng. A allük pwe ekewe soukünö repwe towu lükün lon ekis fansoun mochomoch.

1. Timoty 1:7

Ra mochen asukula än Kot kewe allük, nge resap silei mine ra kapas usun ika ekewe mettoch ra fos won fän watten ar apilükülük.