Lukas 2:40 - Chuukese Bible

⁴⁰ Iwe, ewe ät a mämäritä o pöchökülela. A uren tipachem o än Kot feiöch a nonom won.

Lukas 2:40 Iomraidhean Croise

Kölfel 22:9

Nge en ewe mi atoeiwu seni lon letipen inei, ka tümwünüöchüei, lupwen üa eman mönükol.

Kölfel 45:2

En ka äteöch seni mwän meinisin, kapasen awom ra pwetete, iei mine Kot a afeiöchuk fansoun meinisin.

Lukas 1:80

Iwe, ewe semirit a mämäritä o miritila lon an ekiek. A nonom lon fanüapö tori ewe rän a püsin pwärala ngeni ekewe aramasen Israel.

Lukas 2:47

Iwe, ir meinisin mi rongorong ngeni ewe ät ra mwar ren an weweöch me an silelap le pölüeni ekewe kapas ais.

Lukas 2:52

Iwe, Jesus a mämäritä lon an tipachem, lon inisin pwal lon an küna chenin me ren Kot o pwal me ren aramas kana.

Johannes 1:14

Ewe Kapas a wiliti aramas o nonom lefilach. Sia nengeni an we ling, ewe ling Saman a ngeni, pun i Nöün Aleman, a uren ümöümöch me let.

Föför 4:33

Fän manaman mi lapalap ekewe soukünö ra pwärätä pwe ewe Samol Jesus a manausefäl seni mäla, o Kot a fokun afeiöchüür meinisin.

Efisos 6:10

Iwe, iei ai kapasen lesopolan: Oupwe apöchökülakemi lon ach Samol pwal lon pöchökülen an we manaman.

2. Timoty 2:1

Iwe, en nei, kopwe pöchökül ren ewe ümöümöch mi nom lon Kraist Jesus.

Soukapwüng 13:24

Iwe, ewe fefin a nöüni eman ät o aita ngeni Samson. Ewe ät a mämäritä, nge ewe Samol mi Lapalap a afeiöchü.

1. Samuel 2:18

Nge ewe ät Samuel a angang fän mesen ewe Samol mi Lapalap. A üföüf echö üf itan efot seni mangaku mi pwechepwech.

1. Samuel 2:21

Iwe, ewe Samol mi Lapalap a afeiöchü Hana, iei mine a pwal wor ülüman nöün ät me ruoman nengin. Nge ewe ät Samuel a mämäritä o föri an angang ngeni ewe Samol mi Lapalap.

1. Samuel 2:26

Nge ewe ät Samuel a mämäritä lon löllön o küna ümöümöch me ren ewe Samol mi Lapalap pwal me ren aramas.

1. Samuel 3:19

Iwe, Samuel a mämäritä. Nge ewe Samol mi Lapalap a eti. Esap wor eu an kapas esap pwönüetä.