Lukas 2:4 - Chuukese Bible

⁴ Iwe, Josef a pwal feila seni ewe telinimw Nasaret lon Kalilea, nge a feitä Jutea lon ewe telinimwen Tafit itan Petleem, pun i eman mwirimwirin Tafit.

Lukas 2:4 Iomraidhean Croise

Keneses 35:19

Iwe, lupwen Rahel a mäla, ra peiaseni lepekin ewe al a ale ngeni Efrat, a pwal iteni Petleem.

Keneses 48:7

Iwe, lupwen üa saito seni Mesopotamia, nge üsamwo arap ngeni Efrat, Rahel a mäla lon ewe fanü Kanaan. Üa fokun letipeta ren mälan Rahel. Iwe, üa peiaseni lükün ewe al a ale ngeni Efrat, a pwal iteni Petleem.”

Mika 5:2

En Petlehem Efrata, inamwo ika ka kisikis me lein ekewe telinimwen Juta, nge ewe mi towu senuk epwe samolun Israel, a nonom seni lomlom, seni fansoun esepop.

Mateus 1:20

Iwe, lupwen a chüen ekieki usun, eman nöün ewe Samol chon läng a pwä ngeni lon an tan o üreni, “Josef, mwirimwirin Tafit, kosap niuokus om kopwe pwülüeni Maria, pun mine a pwopwo ren a pop seni ewe Ngünmifel.

Mateus 2:23

o chonlefanüla lon eu telinimw itan Nasaret. Iei usun a pwönüetä mine ekewe soufos ra fen apasa, “Epwe iteni re Nasaret.”

Lukas 2:3

Iwe, aramas meinisin ra feila lon en me an telinimw pwe repwe makkei iter.

Lukas 2:5

A feila ikenan pwe epwe mak itan fiti Maria kofotun we mi pwopwo.

Lukas 4:16

Mürin Jesus a feila Nasaret, ewe ia a mämäritä me ie. Iwe, lon ewe ränin sapat Jesus a feila lon ewe imwen felikis usun an örüni. Iwe, a ütä pwe epwe aleani ekewe Toropwe mi Pin,

Johannes 1:46

Nataniel a aisini, “Ifa usun, och mi mürina a tongeni feito seni Nasaret?” Filip a pölüeni, “Kopwe feito o nengeni.”

Johannes 7:42

Ekewe Toropwe mi Pin ra apasa, pwe Kraist epwe eman mwirimwirin Tafit, epwe uputiu lon Petleem ewe telinimwen Tafit.”

Rut 1:19

Iei usun ekewe ruoman ra mwinemwinela Petleem. Iwe, lupwen ra tori Petleem, chon ewe telinimw meinisin ra mwökütüküt rer. Nge ekewe fin Petleem ra ais, “Ifa usun, wesewesen iei i Naomi?”

Rut 2:4

Mürin, Poas a feito seni Petleem, a kapong ngeni ekewe chon angangen räs o apasa, “Ewe Samol mi Lapalap epwe etikemi.” Nge ir ra pälüeni, “Ewe Samol mi Lapalap epwe afeiöchuk.”

Rut 4:11

Mürin ekewe aramas meinisin me ekewe ätemirit mi nom arun asamalapen ewe telinimw ra apasa, “Fokun äm chon pwärätä. Amwo ewe Samol mi Lapalap epwe föri pwe pwülüom we epwe usun chök Rahel me Lea ra aupwätiu ekewe ainangen Israel. Amwo kopwe feiöch me lon ewe eterekesin Efrat, kopwe pwal iteüöch lon Petleem.

Rut 4:17

Nge ekewe fefin mi nom arun ra apasa, “Eman ät a uputiu ngeni Naomi.” Iwe, ra aita ngeni ewe ät Opet. Iwe, Opet semen Jesi, nge Jesi semen Tafit.

1. Samuel 16:1

Iwe, ewe Samol mi Lapalap a üreni Samuel, “Ifa ükükün fansoun om kopwe letipeta usun Saul, pun üa aturätiu seni wisan wisen king lon Israel? Kopwe alölöü om rume ngeni lö o feila Petleem ren eman mwän itan Jesi, pun üa filätä fän itei eman me lein nöün kewe mwän pwe epwe king.”

1. Samuel 16:4

Iwe, Samuel a föri usun mine ewe Samol mi Lapalap a allük ngeni o feila Petleem. Nge ekewe souakomwen ewe telinimw ra feito fän chechech pwe repwe churi. Iwe, ra aisini, “Ka feito fän kinamwe?”

1. Samuel 17:12

Iwe, Tafit nöün Jesi eman re Efrat seni Petleem lon Juta. Jesi a wor waluman nöün mwän. Lon fansoun mwün Saul, ewe mwän a fen chinlap o ieritam.

1. Samuel 17:58

Iwe, Saul a aisini, “En nöün iö?” Nge Tafit a pälüeni, “Ngang nöün noum chon angang Jesi ewe re Petleem.”

1. Samuel 20:6

Are semom we a mefi pwe üsap nom, mürin kopwe üra, ‘Tafit a fokun tüngoreei pwe üpwe mwüt ngeni an epwe feila Petleem an we telinimw. Pun ei otun unusen an we famili a kan afisi an asor iteiten ier me ikenan.’