Lukas 2:37 - Chuukese Bible

³⁷ Iwe, lupwen pwülüan a mäla, a lipichsefäl tori iei a ierini walik me rüanü. Neminei esap feila seni ewe imwenfel, pwe a chök fel ngeni Kot lerän me lepwin fän echikefel me ikiotek.

Lukas 2:37 Iomraidhean Croise

Kölfel 22:2

Ai Kot, üa siö ngonuk lerän, nge kosap pälüeniei, üa siö ngonuk lepwin, nge üsap tongeni asösö.

Kölfel 23:6

Ewer, kirikiröch chök me tong repwe nom rei lon ränin manauei meinisin, nge üpwe nonom lon imwen ewe Samol mi Lapalap tori feilfeilachök.

Kölfel 27:4

Eu mettoch üa tüngorei ewe Samol mi Lapalap, eu mettoch chök üa mochen: Pwe üpwe nonom lon imwen ewe Samol mi Lapalap lon ränin manauei meinisin, pwe üpwe ingeiti an kirikiröch o kütta öüröürei me ren me lon imwan imwenfel.

Kölfel 84:10

Pun ai nonom lon imwom lon ükükün eu chök rän a mürina seni ai nonom ekis lon ükükün engeröü rän. Üa efich ai üpwe nom lon asamalapen imwen ai Kot, lap seni ai üpwe nonom lon imwen ekewe aramasangau.

Kölfel 84:4

Ra feiöch ir mi nonom lon imwom, ir mi kölün mwareituk fansoun meinisin.

Kölfel 92:13

Ra usun chök irä mi fotetiu lon imwen ewe Samol mi Lapalap, repwe aümanauatä me lon än ach we Kot we imwenfel.

Ekistos 38:8

Iwe, ewe lenien töttöl me motongan seni piras a föri seni ekewe kilasen ori seni piras a angei me ren ekewe fefin mi angang leasamalapen ewe imw mangaku ia aramas ra churi Kot ie.

Lukas 5:33

Iwe, ekoch aramas ra üreni Jesus, “Nöün Johannes kewe chon kaiö ra echikefel fän chomong o iotek, pwal usun chök nöün ekewe Farisi kewe chon kaiö. Nge noumw kewe chon kaiö ra chök momongö o ükün.”

Föför 13:3

Mürin ar echikefel o iotek, ra afeiöchüür o tiniirela.

Föför 14:23

Iwe, Paulus me Parnapas ra filätä souakom fän iten ekewe souläng lon eu me eu kewe mwichefel. Mürin ar iotek fan echikefel ra likitiir ngeni ach Samol, ewe ir ra anomu ar apilükülük won.

Föför 26:7

ewe chök pwon aramasach kewe seni ekewe engol me ruu ainang ra apilükülükü pwe repwe angei lupwen ra fel ngeni Kot lerän me lepwin. Iwe, ämäfen king, pokiten ei apilükülük ekewe chon Juta ra atipisiei ren.

1. Timoty 5:5

Eman fefin mi mä pwülüan o akaleman, esap wor eman a tümwünü, a anomu an apilükülük won Kot, a sopwela le iotek lerän me lepwin o tüngor ngeni Kot pwe epwe alisi.

Pwärätä 3:12

Iö mi pwora ngeni mine a ngau üpwe föri pwe epwe efoch ür lon än ai we Kot we imwenfel, nge esap chüen towu seni. Iwe, üpwe makkei won iten ai we Kot, pwal iten än ai we Kot we telinimw, ewe Jerusalem mi fö, epwe feitiu me läng seni ai we Kot, üpwe pwal makkei won itei we mi fö.

Pwärätä 7:15

Iei popun ra ütä mwen än Kot we lenien motun king o ra angang ngeni lerän me lepwin lon imwan imwenfel. Iwe, ewe mi mot won ewe lenien motun king epwe nonom rer o tütümwünüür.

1. Samuel 2:2

Esap wor eman mi pin usun ewe Samol mi Lapalap, esap wor eman lükün i, esap pwal wor eu achau usun ach we Kot.