Lukas 2:36 - Chuukese Bible

³⁶ Iwe, mi pwal wor eman soufos fefin itan Anna nöün Fanuel seni ewe ainangen Aser. Ei fefin a fokun chinlap, ra manaufengen me pwülüan lon ükükün fisu ier chök mürin ar apwüpwülü.

Lukas 2:36 Iomraidhean Croise

Keneses 30:13

Nge Lea a üra, “Pwapwa a toriei. Iei ekewe fefin repwe apasa pwe ngang üa pwapwa.” Iei mine a aita ngeni ewe ät Aser .

2. King 22:14

Iei mine ewe souasor Hilkia me Ahikam, Akpor, Safan, pwal Asaia ra feila ren ewe soufos fefin Hulta mi nom lon ewe aruuen kinikinin ewe telinimw Jerusalem, pwülüen neminei Salum nöün Tikwa we mwän, nge Tikwa nöün Haras. Salum a wisen tütümwünü üföüfen lon ewe imwenfel. Iwe, ra apworausa ngeni neminewe mine a fis.

Hiop 5:26

Kopwe mäla o peias lupwen ka fokun chinlap, kopwe usun chök eu pilükün wiich a nom lon ewe lenien wichiwich umwun föün wiich lupwen fansoun kinikin.

Kölfel 92:14

Ra chüen ua lon ar chinlap, ra uren pöchökül o wowoöch fansoun meinisin,

Ekistos 15:20

Iwe, Miriam fefinen Aaron eman soufos fefin a angei an pisekin kaktai, nge ekewe fefin meinisin ra tapwela mürin fän ar pisekin kaktai o pworuk.

Isikiel 13:17

Iwe, ewe Samol mi Lapalap a apasa, “Nöün aramas, iei kopwe sape ngeni ekewe fefin lein noum aramas mi osuni seni püsin ar ekiek. Iwe, kopwe osuni usun ar repwe feiengau o apasa,

Lukas 2:35

pwe ekiekin chomong aramas epwe pwäla ren. Iwe, lolilen watte epwe akinasa lelukom, usun efoch ketilas a akinasa aramas.”

Lukas 2:38

Lon ewe chök otun a wareitiir, a kilisou ngeni Kot o kapas usun ewe mönükol ngeni chokewe meinisin mi witiwiti än Kot epwe angasala Jerusalem.

Föför 2:18

Pwal mwo nge nei chon angang mwän me fefin üpwe tinatiu Ngüni wor lon ekana rän, pwe repwe arongafeili ai kewe kapas.

Föför 21:9

Ätei a wor föman nöün föpwül resap pwüpwülü, ra tongeni pwäri mine a monomon.

1. Korint 11:5

Nge are eman fefin epwe iotek ika pwärätä met mi monomon lon imwenfel, nge esap pwölüela möküran, neminei a aitengaua pwülüan möküran we. Esap wor sokofesenin neminei me eman fefin mi reipöpöla möküran.

1. Korint 12:1

Iwe, ämi pwii kana, üa mochen pwe oupwe silei met a let usun ekewe lifang seni ewe Ngünmifel.

1. Timoty 3:2

Iwe, eman soumas epwe fokun unusöch lon manauan. Epwe pwülüeni eman chök fefin, epwe tipefesir, epwe tufichin nemeni püsin inisin, epwe mirit, epwe etiwaöchü wasöla, epwe pwal lipwäköch le asukul.

1. Timoty 5:9

Kopwe makkeelong eman fefin mi mä pwülüan lon tettelin ewe mwichen fefin mi mä pwülüer are a ierini wone feitä. Pwal eu, are neminewe a chök pwülüeni eman chök mwän,

Josua 19:24

Iwe, alimuen kinikinin ewe fanü a ainet ngeni chon ewe ainangen Aser a aükük ngeni ükükün ar kewe famili.

Pwärätä 7:6

seni ewe ainangen Aser engol me ruungeröü, seni ewe ainangen Naftali engol me ruungeröü, seni ewe ainangen Manasa engol me ruungeröü,

Soukapwüng 4:4

Lon ena fansoun Tepora ewe soufos fefin pwülüen Lapitot a soukapwüngün Israel.

1. Samuel 1:2

Iwe, a wor ruoman pwülüen Elkana, iten eman Hana, pwal iten eman Penina. Iwe, a wor nöün Penina kana, nge Hana esap wor nöün.