Lukas 2:34 - Chuukese Bible

³⁴ Mürin Simeon a afeiöchüür o üreni Maria, “Nengeni, ei mönükol a fil me ren Kot pwe epwe eu lenien pöütüla me eu lenien küna manau fän iten chomong lon Israel. Ätei epwe pwal eu asisil me ren Kot chomong aramas repwe ü ngeni lon ar kapas,

Lukas 2:34 Iomraidhean Croise

Keneses 14:19

Iwe, a afeiöchü Apram o apasa, “Kopwe feiöch, Apram, me ren ewe Kot mi Unusen Tekia, a föri läng me fanüfan.

Keneses 47:7

Mürin, Josef a pwal panalong Jakop saman we pwe epwe ütä fän mesen Farao. Iwe, Jakop a afeiöchü Farao.

Ekistos 39:43

Iwe, Moses a ouwasacha ewe angang meinisin o küna pwe ra föri usun mine ewe Samol mi Lapalap a fen allük. Iwe, Moses a afeiöchüür.

Aisea 8:18

Ngang üa nom ikei me nei kana ewe Samol mi Lapalap a ngeniei. Äm aia eu asisilen mine epwe fis fän iten chon Israel me ren ewe Samol mi Unusen Manaman, ewe mi imweimw won ewe chuk Sion.

Osea 14:9

Iö mi tipachem epwe weweiti mine a mak ikei, iö mi mirit epwe ekieki usun lon lelukan. Pun än ewe Samol mi Lapalap kewe al ra wenechar, ekewe chon pwüng ra fetal wor, nge ekewe chon tipis ra chepetek wor o turula.

Mateus 11:19

Nge lupwen Nöün Aramas a feito, a mongö o ün, nge aramas ra apasa, ‘Ou nengeni ei mwän! I eman mi mongömong me ünümong, eman mi chiechi ngeni ekewe chon ioni takises me chon tipis.’ Än Kot tipachem a pwäla pwe a let ren an kewe föför.”

Mateus 12:46

Iwe, lupwen Jesus a chüen kapas ngeni ekewe aramas, inan me pwiin kana ra war. Ra ütä lükün ewe imw o tüngor pwe repwe kapas ngeni.

Mateus 21:44

[Iö a turutiu won ei fau epwe tatakis, nge are ewe fau epwe turutiu won eman, epwe fokun pachach.]”

Mateus 27:63

o üreni, “Äm samol, äm aia chechemeni pwe enan chon chofona a apasa lupwen a chüen manau, ‘Üpwe manausefäl mürin ülüngat rän.’

Lukas 2:35

pwe ekiekin chomong aramas epwe pwäla ren. Iwe, lolilen watte epwe akinasa lelukom, usun efoch ketilas a akinasa aramas.”

Johannes 3:20

Iö a föri mine a ngau a oput saram, esap mochen tolong lon saram, pun a niuokus pwe an kewe föför repwe pwäla.

Johannes 5:18

Ren ekei kapas ekewe nöüwisen chon Juta ra fokun alapala ar ekiekin mochen niela Jesus, pun esap chök atai allükün ewe ränin sapat, nge a pwal apasa pwe Kot Saman. Ren ei a püsin anönnöi ngeni Kot.

Föför 13:45

Nge lupwen ekewe chon Juta ra küna ewe mwicheichen aramas, ra fokun lolowo. Ra esita mine Paulus a apasa o kapasingau usun.

Föför 17:6

Nge pokiten resap küneer, ra etekinawu Jason me ekewe ekoch chon lükü Jesus mwen nöüwisen ewe telinimw o ra kökkö fän leüömong, “Ekei mwän ra afisätä fitikoko ekis meinisin! Nge iei ra feito lon ach ei telinimw.

Föför 24:5

Äm aia mefi pwe ei mwän eman aramas mi fokun afeiengau. A popuetä fitikoko lein ekewe chon Juta won unusen fanüfan, i eman souemwenin ewe mwichen Nasaret.

Föför 28:22

Nge aia mochen rongorong mefiom, pun aia silei pwe ekis meinisin aramas ra kapasen ü ngeni ei mwich ka choni.”

Föför 4:26

Ekewe kingen fanüfan ra amoleeretä, nge ekewe samol ra chufengen pwe repwe ü ngeni ewe Samol me nöün we Kraist.’

Föför 6:7

Iei usun ewe kapasen Kot a chöfetal. Nge ewe mwichen chon lükü Jesus lon Jerusalem ra fokun chochomongola, iwe, chomong lein ekewe souasor ra pwal lükü.

Nöün Paulus Toropwe ngeni ekewe Souläng lon Rom 9:32

Pwota resap küna? Pokiten mine ra föri esap longolong won lükülük, nge a longolong won met ra föri. Iei usun ra chepetek won ewe “föün chepetek”,

1. Korint 1:23

Nge kich sia arongafeili ewe Kraist mi iräpenges, iei ewe kapas chon Juta ra chepetek ren, nge ekewe chon lükün Israel ra apasa pwe och kapas mi umwes.

Ipru 7:1

Ätei Melkisetek i kingen Salem, pwal eman souasor nöün Kot ewe mi Unusen Tekia. Lon fansoun Apraham a liwinto seni ewe maun lupwen a akufu ekewe föman king, Melkisetek a churi o afeiöchü.

Ipru 7:7

Sia fokun silei pwe ätewe mi lap a wisen afeiöchü ätewe mi kis.

1. Petrus 4:14

Oua feiöch are oua küna turunufas pokiten ämi tapwela mürin Kraist, pun ewe Ngünün ling, Ngünün Kot epwe nonom lomi.

1. Samuel 2:20

Eli a afeiöchü Elkana me pwülüan we o apasa, “Ewe Samol mi Lapalap epwe fang ngonuk noum me won ewe fefin fän iten ätewe a fangala ngeni ewe Samol mi Lapalap.” Mürin ra liwiniti lenier.