Lukas 2:33 - Chuukese Bible

³³ Iwe, semen me inen ewe mönükol ra weitifengeniir ren ekewe kapas Simeon a apasa usun ewe ät.

Lukas 2:33 Iomraidhean Croise

Aisea 8:18

Ngang üa nom ikei me nei kana ewe Samol mi Lapalap a ngeniei. Äm aia eu asisilen mine epwe fis fän iten chon Israel me ren ewe Samol mi Unusen Manaman, ewe mi imweimw won ewe chuk Sion.

Mateus 12:46

Iwe, lupwen Jesus a chüen kapas ngeni ekewe aramas, inan me pwiin kana ra war. Ra ütä lükün ewe imw o tüngor pwe repwe kapas ngeni.

Mateus 8:10

Iwe, lupwen Jesus a rongorong ekei kapas, a mairü ren o üreni ekewe aramas mi tapwela mürin, “Enlet, üa ürenikemi, üsap fokun küna eman lon Israel a eäni ei sokun lükülük.

Lukas 2:18

Iwe, aramas meinisin mi rong ei pworaus ra mairü ren met ekewe chon mas ra üreniir.

Lukas 2:48

Lupwen saman me inan ra küna, ra weitifengeniir. Iwe, inan we a üreni, “Nei, pwota ka föri iei usun ngenikem? Nengeni, semom me ngang aia lolilen me weires le küttok.”

Lukas 20:26

Iwe, resap tongeni särei Jesus won met a apasa me mwen ekewe aramas, iei mine ra fanafanala, nge ra ing ren mine a pölüeniir won.

Lukas 9:43

Iwe, ekewe aramas meinisin ra mairü ren än Kot manaman mi pöchökül. Iwe, lupwen ekewe aramas ra chüen mwar ren ekewe mettoch meinisin Jesus a föri, a üreni nöün kewe chon kaiö,