Lukas 2:32 - Chuukese Bible

³² Epwe eu saram mi pwärala letipom ngeni chon lükün Israel, nge epwe awarato ling ngeni noumw aramasen Israel.”

Lukas 2:32 Iomraidhean Croise

Kölfel 85:9

Ellet, a kaneto pwe epwe amanaua chokewe mi niuokusiti i, pwe an ling epwe nonom lon fanüach.

Aisea 11:10

Lon ena fansoun epwe fis pwe ewe king mi fö seni mwirimwirin Tafit epwe ütä usun chök efoch asisil fän iten chon ekewe mwü meinisin. Iwe, repwe chufengen lon telinimwan mi ling o asamolu.

Aisea 4:2

Lon ena fansoun, ewe irä ewe Samol mi Lapalap a ämärätä epwe fokun öch me ling, nge uän ewe fanü epwe fokun mürina me ling ngeni chokewe mi chüen manau mürin än Israel feiengau.

Aisea 45:25

Nge ren ewe Samol mi Lapalap ekewe mwirimwirin Israel meinisin repwe küna pwüng, repwe pwal mwänek.”

Aisea 49:6

Iwe, a apasa, “Kosap nei chök chon angang mi wisen achufengeni chon ekewe ainangen Israel o aliwinato chokewe mi chüen manau me leir. Nge üpwe pwal föri pwe kopwe eu saram fän iten chon ekewe mwü, pwe chon fanüfan meinisin repwe küna manau.”

Aisea 49:9

Üpwe pwal üreni ekewe chon fötek, ‘Oupwe ngasala,’ nge ekewe mi nom lon rochopwak üpwe üreniir, ‘Oupwe tolong lon saram.’ Iwe, repwe mongö ünükün ekewe al usun sip, repwe pwal küna ener mongö me won ekewe chuk mi amassawa.

Aisea 51:4

Oupwe aüselingaei, ämi nei aramas, oupwe rongorong ai kapas, ämi nei chon Israel. Eu allük epwe towu seniei, nge ai pwüng epwe eu saram ngeni chon ekewe mwü won fanüfan.

Aisea 60:19

Iwe, kosap chüen eäni saramen akkar lerän ika tinen maram lepwin pwe repwe asaramok, pun ngang ewe Samol mi Lapalap üpwe om saram tori feilfeilachök. Ngang om Kot üpwe om ling.

Aisea 9:2

Iwe, ekewe aramas mi fetal lon rochopwak ra küna eu saram mi watte, nge eu saram a pwä ngeni chokewe mi nom lon fanüen rochopwak.

Jeremaia 2:11

Esap wor chon eu mwü mi ekesiwili ar kewe kot, nge ir resap wesewesen kot. Nge nei aramas ra ekesiwiliei ngang ar we Kot mi ling ngeni pwal ekoch kot mi lomotongau.

Sekaraia 2:5

Nge iei alon ewe Samol mi Lapalap, ‘Ngang üpwe eu tit seni ekkei mi pwelifeili Jerusalem, üpwe pwal eu ling fän itan me lon.’”

Mateus 4:16

Ekewe aramas mi nom lon rochopwak ra küna eu saram mi watte, nge fän iten chokewe mi nom lon kirochen fanüen mäla eu saram a tinetiu wor.”

Lukas 2:10

Nge ewe chon läng a üreniir, “Ousap niuokus. Pun nengeni, üa arongato remi ewe Pworaus Allim mi aworato pwapwa chapur, epwe tori aramas meinisin.

Lukas 2:31

ewe ka amolätä mwen mesen aramas meinisin.

Föför 26:23

pwe ewe Kraist epwe fokun riaföü o epwe aemanün mi manausefäl seni mäla an epwe arongafeili ewe saramen manau ngeni ekewe chon Juta me ekewe chon lükün Israel.”

Föför 28:28

Iei mine ngang üa mochen pwe ämi oupwe silei, pwe än Kot kapasen manau a tori ekewe chon lükün Israel o ir repwe aüselinga.”

1. Korint 1:31

Pun iei usun a mak lon ekewe Toropwe mi Pin, “Iö a mochen aingaing epwe aingaing won ach Samol.”

Pwärätä 21:23

Esap lomot ngeni ewe telinimw tinen akkar ika tinen maram, pun än Kot ling a tinetiu won, o ewe Lam iei an atitin.