Lukas 2:25 - Chuukese Bible

²⁵ Lon ena fansoun mi wor eman mwän lon Jerusalem itan Simeon. Ätei a pwüng o aleasochisi än Kot kewe Allük meinisin, a pwal witiwiti ätewe epwe echipa Israel. Iwe, Ngünmifel a nonom won.

Lukas 2:25 Iomraidhean Croise

Keneses 6:9

Iei uruwon Noa. Noa eman chon pwüng, i chök a föföröch lein pilon kana, a pwal chiechifengen me Kot.

Hiop 1:1

Mi wor eman mwän lon ewe fanü Us itan Hiop. Ätei a pwüng o wenechar, a niuokusiti Kot o kul seni föför mi ngau.

Hiop 1:8

Iwe, ewe Samol mi Lapalap a üreni Satan, “Ifa usun, ka küna nei chon angang Hiop? Esap wor eman aramas won fanüfan mi wewe ngeni, a pwüng o wenechar, a niuokusitiei o kul seni föför mi ngau.”

Aisea 25:9

Iwe, lon ena rän aramas repwe apasa, “Ellet, iei i ach Kot sa anomu ach lükülük won pwe epwe amanauakich, iei i ewe Samol mi Lapalap sa anomu ach apilükülük won. Ousipwe pwapwa o mwänek ren an amanauakich.”

Aisea 40:1

“Oupwe achipa, oupwe achipa nei aramas kana,” ämi Kot a apasa.

Mika 6:8

En aramas, ewe Samol mi Lapalap a aiti ngonuk mine a mürina. Met a mochen pwe kopwe föri? A mochen pwe kopwe föri mine a pwüng o eäni kirikiröch, kopwe pwal tipetekison fän mesen om we Kot.

Numperis 11:25

Mürin, ewe Samol mi Lapalap a feitiu lon ewe kuchu o kapas ngeni Moses. A angei och manamanen ewe ngün mi nom won Moses o isetä won ekewe fik souakom. Iwe, lupwen ewe ngün a nom wor, ra osuni. Nge mürin resap chüen osunisefäli.

Numperis 11:29

Nge Moses üreni, “Ifa usun, ka apangau won wisei? Amwo, nöün ewe Samol mi Lapalap aramas meinisin repwe soufos, pwe epwe anomu Ngünün wor.”

Markus 15:43

Josef seni Arimatea, i eman me lein ewe mwichen soupwüng mi iteföüla, a pwal ösüküsükü waren ewe Mwün Kot, a feito ren Pilatus fän pöchökülen letipan o tüngor somän Jesus.

Lukas 1:41

Nge lupwen Elisapet a rong ewe kapong seni Maria, ewe mönükol a mwökütüküt me lon lukan. Iwe, Elisapet a ur ren Ngünmifel

Lukas 1:6

Ir me ruoman ra föri mine a pwüng mwen mesen Kot o aleasochisi än ewe Samol kewe allük me pwüüng meinisin.

Lukas 1:67

Iwe, Sakarias semen Johannes a ur ren Ngünmifel o a apasatä an kei kapasen osuni:

Lukas 2:38

Lon ewe chök otun a wareitiir, a kilisou ngeni Kot o kapas usun ewe mönükol ngeni chokewe meinisin mi witiwiti än Kot epwe angasala Jerusalem.

Lukas 23:51

Esap tipeeu ngeni mine ra pwüngüpwüng won pwal ar föför. Iwe, a ösüküsükü ewe Mwün Kot.

Föför 10:2

A tupwöl lon an niuokusiti Kot, i me chon an famili meinisin. A pwal watte an alilis ngeni ekewe chon Juta mi wöüngau o a ikiotek ngeni Kot.

Föför 10:22

Ekewe mwän ra pölüeni, “Kornelius ewe meilapen sounfiu a tinikeemito. I eman mwän mi pwüng o niuokusiti Kot, a wor meninin me ren ekewe aramasen Juta meinisin. Eman chon läng mi pin a üreni pwe epwe titi en, pwe kopwe feila lon imwan, pun a mochen rongorong met kopwe üreni.”

Föför 2:5

A wor chon Juta mi niuokusiti Kot, ra nom lon Jerusalem, ra feito seni ekewe fanü meinisin won fanüfan.

Föför 24:16

Iei mine üa achocho ngeni fansoun meinisin, pwe esap wor mengiringirin letipei me mwen Kot me aramas.

Tuteronomi 18:15

“Iwe, ewe Samol mi Lapalap ämi we Kot epwe awora eman soufos me leimi usun ngang, nge ämi oupwe aleasochisi.

2. Petrus 1:21

Pun esap wor och kapasen osuni a feito seni letipen aramas, nge ekewe aramas ra nom fän nemenien ewe Ngünmifel ra apasatä ewe kapas a feito seni Kot.