Lukas 2:14 - Chuukese Bible

¹⁴ “Kot epwe ling lon läng, epwe wor kinamwe won fanüfan ngeni aramas, chokewe Kot a pwapwa rer.”

Lukas 2:14 Iomraidhean Croise

Aisea 44:23

Oupwe köl fän pwapwa, ämi läng, pun ewe Samol mi Lapalap a föri ei. Oupwe leüömong le köl, ämi alololun fanüfan. Oupwe chietä köl, ämi chuk kana, pwal ämi kewe irä meinisin mi mär lein wöllap. Pun ewe Samol mi Lapalap a pwärätä an ling ren an angasa nöün aramasen Israel.

Aisea 49:13

Oupwe köl fän pwapwa, ämi läng, kopwe mwänek, en fanüfan, oupwe chietä köl, ämi chuk kana. Pun ewe Samol mi Lapalap epwe echipa nöün aramas o tongei nöün kewe mi riaföü.

Aisea 57:19

Iwe, üpwe awora kinamwe, kinamwe ngeni chokewe mi toau pwal ngeni chokewe mi arap, üpwe fokun amanaueer,” iei alon ewe Samol mi Lapalap.

Mika 5:5

Iwe, i epwe atoto kinamwe. Lupwen ekewe chon Asiria repwe tolong lon fanüem o ataelong äm kewe imwen maun mi pöchökül, äm aipwe tinala nöüm kewe souemwen mi fokun pöchökül pwe repwe maun ngeniir.

Mateus 21:9

Iwe, ekewe chomongun aramas mi akom mwen Jesus, pwal chokewe mi tapweto mürin ra popuetä le kökkö, “Sipwe mwareiti Nöün Tafit! Kot epwe afeiöchü ätewe mi feito fän iten ewe Samol! Ousipwe mwareiti Kot!”

Lukas 1:79

pwe epwe tinetiu won chokewe mi nom lon rochopwak me nürün mäla, epwe pwal emweni pechech ngeni ewe alen kinamwe.”

Lukas 19:38

Iwe, ra apasa, “Feiöchün ewe king a feito fän iten ewe Samol! Kinamwe lon läng o Kot epwe ling.”

Lukas 2:13

Lon ewe chök otun eu mwichen chomong chon läng ra nom ren ewe chon läng, ra mwareiti Kot o apasa,

Lukas 2:15

Nge lupwen ekewe chon läng ra feila seniir o feitä läng, ekewe chon mas ra kapasfengen lefiler, “Ousipwe feila Petleem o nengeni ei mettoch a fisitä, ewe Samol a asile ngenikich usun.”

Lukas 3:22

o ewe Ngünmifel a feitiu won usun lapalapen eman lisom. Iwe, eu möngüngü a feitiu seni läng a apasa, “En nei mi fokun achengicheng, üa unusen pwapwa reöm.”

Johannes 14:27

Kinamwe üa likiti ngenikemi, ai kinamwe üa fang ngenikemi. Ai lifang esap wewe ngeni än fanüfan lifang. Ousap lolilen lon lelukemi, ousap pwal niuokus.

Johannes 17:4

Üa fen alingok won fanüfan o awesala ewe angang ka ngeniei pwe üpwe föri.

Johannes 3:16

Pun iei usun Kot a echeni chon fanüfan, pwe a fangala Nöün Aleman, pwe meinisin mi lükü i resap pöütmwälila, pwe repwe eäni manau esemüch.

Föför 10:36

Oua silei ewe kapas Kot a tinala ngeni ekewe aramasen Israel, a arongafeili ewe Pworausen Manau pwe sipwe kinamwefengen me Kot ren Jesus Kraist, i ewe Samol mi nemeni aramas meinisin.

Nöün Paulus Toropwe ngeni ekewe Souläng lon Rom 5:1

Iwe, pokiten sia küna pwüng me ren Kot ren ach lükülük, sia kinamwefengen me Kot ren ach Samol Jesus Kraist.

Efisos 1:6

Sipwe mwareiti Kot ren an we ümöümöch mi fokun amwarar, a lifang ngenikich lon püsin Nöün we mi achengicheng!

Efisos 1:9

Lon än Kot tipachem me tipemirit meinisin a apwönüetä mine a fen eäni akot o asile ngenikich an ekiek mi monomon a fen filätä pwe epwe aunusala ren Kraist.

Efisos 2:4

Nge pokiten än Kot ümöümöch a fokun somwosomwola o an echenikich a fokun lapalap,

Efisos 2:7

A föri iei usun, pwe epwe pwärätä lon ekewe fansoun repwe feito an we ümöümöch mi fokun lapalap esap wor eman a tongeni awewei, a nom lon an we chen a pwäri ngenikich lon Kraist Jesus.

Filipi 2:11

nge ir meinisin repwe pwärätä pwe Jesus Kraist i Samol, pwe Kot Sam epwe ling ren.

Filipi 2:13

pun Kot ewe a angang lomi, epwe afisätä ämi mochen me ämi tufichin apwönüetä letipan.

Kolose 1:20

Ren Nöün we Kot a akota pwe epwe achäsefäli mettoch meinisin ngeni püsin i. Kot a afisätä kinamwe ren chaan Nöün we mi pupula me won ewe iräpenges o a achäsefäli mettoch meinisin won fanüfan pwal lon läng ngeni püsin i.

2. Tesalonika 2:16

Püsin ach Samol Jesus Kraist me Samach Kot, ewe mi echenikich o fang ngenikich chipen letipach fansoun meinisin pwal ach apilükülüköch ren an ümöümöch,

Pwärätä 5:13

Iwe, üa rongorong pwe förien Kot meinisin lon läng pwal won fanüfan, lon lenien failol pwal lon matau ra kölü ei köl: “Ingemwar me iteöch me ling me manaman ngeni ewe mi mot won ewe lenien motun king me ewe Lam tori feilfeilachök.”