Lukas 2:10 - Chuukese Bible

¹⁰ Nge ewe chon läng a üreniir, “Ousap niuokus. Pun nengeni, üa arongato remi ewe Pworaus Allim mi aworato pwapwa chapur, epwe tori aramas meinisin.

Lukas 2:10 Iomraidhean Croise

Keneses 12:3

Iwe, üpwe afeiöchü ekewe chon afeiöchuk, nge afeiengaua ekewe chon afeiengauok. Iwe, chon ekewe mwü meinisin won fanüfan repwe küna feiöch reöm.”

Aisea 40:9

Kopwe feitä won eu chuk mi tekia, en mi uwato pworaus mürina ngeni Sion. Kopwe leüömong le kökkö, en mi uwato pworaus mürina ngeni Jerusalem. Kopwe leüömong le kökkö, nge kosap niuokus, kopwe aronga ngeni ekewe telinimwen Juta, “Ämi we Kot a war.”

Aisea 41:27

Iwe, ngang aemanün mi asile ngeni Sion ewe pworaus mi mürina. Üa tinala ren Jerusalem eman chon künö mi üra, ‘Nengeni, noum aramas ra liwinsefäliti fanüer.’

Aisea 49:6

Iwe, a apasa, “Kosap nei chök chon angang mi wisen achufengeni chon ekewe ainangen Israel o aliwinato chokewe mi chüen manau me leir. Nge üpwe pwal föri pwe kopwe eu saram fän iten chon ekewe mwü, pwe chon fanüfan meinisin repwe küna manau.”

Aisea 52:10

Iwe, ewe Samol mi Lapalap a pwärawu an manaman mi pin ngeni chon ekewe mwü won fanüfan, nge lesopun fanüfan meinisin repwe küna pwe ach we Kot a amanaua nöün aramas.

Aisea 52:7

A mürina ewe chon künö mi fetal won ekewe chuk o uwato pworaus allim, ewe a arongafeili kinamwe o uwato kapasen feiöch. A asilefeili pwe aramas ra tongeni küna manau o üreni Sion, “Om Kot a nemenem.”

Aisea 61:1

Iwe, Ngünün Kot ewe Samol mi Lapalap a nonom woi, pun a awisaei pwe üpwe aronga ngeni chon mwelele pworausen manau. A tinieito pwe üpwe achipa chon luketatakis, üpwe asile ngeni chon oola ar repwe ngasala, pwal ngeni chon fötek pwe epwe suk lenien ar fötek.

Taniel 10:19

Iwe, a apasa, “En eman mwän mi watte chenum me ren Kot. Kosap niuokus. Kinamwe epwe toruk. Kopwe apöchökülok o apworai letipom.” Nge lupwen a kapas ngeniei, üa pöchökülsefäl o apasa, “Ai samol, kose mochen kopwe kapas ngeniei, pun ka apöchökülaei.”

Sekaraia 9:9

Oupwe fokun meseik, ämi aramasen Sion. Oupwe akapwas fän pwapwa, ämi aramasen Jerusalem. Nengeni, ämi King a feito remi. A pwüng o pwora, nge a tipetekison o wawa eman aas, eman nienifön aas.

Mateus 14:27

Lon ewe chök otun Jesus a kapas ngeniir o üreniir, “Oupwe apilükülük! Ngang ei, ousap niuokus!”

Mateus 28:18

Nge Jesus a kan ngeniir o üreniir, “Nemenem meinisin won läng me fanüfan a toriei.

Mateus 28:5

Nge ewe chon läng a üreni ekewe fefin, “Ousap niuokus. Üa silei pwe oua kütta Jesus ewe mi iräpenges.

Markus 1:15

A apasa, “A tori ewe fansoun, Mwün Kot a arapoto. Oupwe aier seni ämi tipis o lükü ewe Pworausen Manau.”

Markus 16:15

Iwe, a üreniir, “Oupwe feila lon unusen fanüfan o afalafala ewe Pworausen Manau ngeni aramas meinisin.

Lukas 1:13

Nge ewe chon läng a üreni, “Kosap niuokus, Sakarias! Pun Kot a aüseling om iotek. Elisapet pwülüom we epwe pwopwo o nöüni eman ät, iwe, kopwe aita ngeni Johannes.

Lukas 1:19

Iwe, ewe chon läng a pölüeni, “Ngang Kapriel, ewe mi ü mwen mesen Kot. Kot a tinieito pwe üpwe kapas ngonuk o asile ngonuk ei pworaus allim.

Lukas 1:30

Ewe chon läng a üreni, “Kosap niuokus, Maria, Kot a fokun ümöümöch ngonuk.

Lukas 2:11

Lon ei rän ikenai eman Chon Amanau a uputiu ngenikemi lon ewe telinimwen Tafit, i Kraist ewe Samol.

Lukas 24:47

Ren itan oupwe afalafala chon ekewe mwü meinisin, pwe repwe ekieksefäl, pwe Kot epwe amusala ar tipis, nge oupwe popuetä lon Jerusalem.

Lukas 8:1

Eu fansoun mürin Jesus a saifeil lon ekewe telinimw me sopw o afalafala ewe Pworausen Manau usun Mwün Kot. Iwe, ekewe engol me ruoman chon kaiö ra eti,

Föför 13:32

Äm aia feito ikei o aronga ngenikemi ewe Pworausen Manau. Mine Kot a fen pwon ngeni ach kewe lewo

Nöün Paulus Toropwe ngeni ekewe Souläng lon Rom 10:15

Ifa usun an we kapas epwe asilesil, are Kot esap tinala chon künö? Usun a mak lon ekewe Toropwe mi Pin, “A mürina wareton ekewe chon künö mi uwato ewe Pworausen Manau!”

Efisos 3:8

Ngang ewe mi kis seni ekewe chon pin meinisin, nge Kot a ngeniei ei wis mi aüchea pwe üpwe uwei ngeni ekewe chon lükün Israel ewe Pworausen Manau usun ewe wöün Kraist esap wor epin,

Kolose 1:23

Nge ämi oupwe fokun sopwela lon ämi lükülük won eu longolong mi pöchökül o nüküchar, ousap fokun mwöküt seni ewe apilükülüköch oua angei lupwen oua rongorong ewe Pworausen Manau. Iei ewe Pworausen Manau aramas ra arongafeili ngeni aramas meinisin won fanüfan, ngang Paulus üa pwal eman chon angang ngeni.