Lukas 19:9 - Chuukese Bible

⁹ Jesus a üreni Sakios, “Manau a tori ei imw ikenai, pun en pwal eman mwirimwirin Apraham.

Lukas 19:9 Iomraidhean Croise

Lukas 13:16

Nge ikei a nom eman fefin, i mwirimwirin Apraham, Satan a föti lon ükükün engol me walu ier. Ifa usun, esap pwüng ngeni an epwe küna ngas lon ränin sapat?”

Lukas 13:30

Ewer, chokewe mi kükümwir lon ei fansoun repwe akom, nge chokewe mi akom lon ei fansoun repwe kükümwir.”

Lukas 16:24

Iwe, a kökkötä, ‘Semei Apraham, kopwe tongeei o tinala Lasarus pwe epwe tikilong aütün lon koluk o apatapata chönawei, pun üa fokun riaföü lon ei ekkei.’

Lukas 16:30

Ewe mwän mi pisekisek a pölüeni, ‘Apwi, semei Apraham, are eman epwe manausefäl seni mäla o feila rer, repwe fokun aier seni ar tipis kana.’

Lukas 2:30

Pun üa küna ren mesei om angangen amanau,

Lukas 3:8

Oupwe föri sokun föför epwe pwärätä pwe oua aier seni ämi tipis, nge ousap popuetä le apasa lefilemi, ‘Äm mwirimwirin Apraham.’ Pun ngang üpwe ürenikemi, pwe Kot a tongeni angei ekei fau o föri seniir pwe repwe mwirimwirin Apraham.

Nöün Paulus Toropwe ngeni ekewe Souläng lon Rom 4:16

Iei usun ewe pwon a longolong won lükülük, pwe epwe allükülükü än Kot we ümöümöch epwe tori ekewe mwirimwirin Apraham meinisin, esap chök tori chokewe mi aleasochisi ekewe Allük, nge epwe pwal tori chokewe mi lükü usun Apraham. Pun Apraham semelapach meinisin lon pekin ngün,

Kalatia 3:14

Kraist a föri ei, pwe ewe feiöch Kot a pwon ngeni Apraham epwe tori ekewe chon lükün Israel ren Kraist Jesus, pwe ren ach lükü sipwe angei ewe Ngünmifel Kot a fen pwon ngenikich.

Kalatia 3:29

Are ämi oua nöün Kraist, mürin oua mwirimwirin Apraham, iwe, oupwe angei ewe mine Kot a fen pwonei.

Kalatia 3:7

Iei mine oupwe silei, pwe ekewe wesewesen mwirimwirin Apraham, ir ekewe aramas mi wor ar lükülük.

1. Petrus 2:10

Me lom ousap nöün Kot aramas, nge ikenai oua nöün. Me lom ousap angei än Kot ümöümöch, nge ikenai oua angei an ümöümöch.