Lukas 19:8 - Chuukese Bible

⁸ Nge Sakios a ütä o üreni ewe Samol, “Ai Samol, nengeni, ngang üpwe ngeni ekewe chon wöüngau esopun ai kewe pisek. Nge are üa atupu eman won moni, üpwe aliwinisefäli ngeni fän rüanü.”

Lukas 19:8 Iomraidhean Croise

2. Samuel 12:6

Epwe pwal liwini ewe apanen sip fän rüanü, pun a föri ei sokun föför, nge esap eäni tong.”

Kölfel 41:1

Ra feiöch chokewe mi ekieki ekewe mi apwangapwang o wöüngau. Ewe Samol mi Lapalap epwe angaserela lon ränin ar riaföü.

Ekistos 20:16

Kosap eäni kapas chofana usun chon arum.

Än Salomon Fos 6:31

Nge lupwen ra turufi, epwe aliwini fän fisu mine a soläni, inamwo ika epwe atowu pisekin meinisin seni lon imwan.

Isikiel 33:15

are a aliwini ngeni ewe chon liwinimang asisilen an pwon, are a pwal aliwini mine a soläni o tümwünü ekewe allük aramas ra küna manau ren, nge esap föri tipis, ätewe epwe fokun manau, nge esap mäla.

Numperis 5:7

Iwe, epwe pwärätä an tipis a föri o aliwini unusen mine a mwäl won. Nge epwe pwal apachätä eu lelimu ngeni o aliwinisefäli ngeni ätewe a wor an mwäl ngeni.

Lukas 11:41

Nge oupwe fang ngeni ekewe mi wöüngau mine a nom lon ämi kewe kap me sepi, mürin mettoch meinisin repwe limöch me remi.

Lukas 12:33

Oupwe amömöla pisekimi, nge liwinin oupwe ngeni ekewe chon wöüngau. Oupwe awora ämi kewe sokun pwotou resap tongeni tala, oupwe iseis wöümi lon läng, ewe ia esap tongeni kisikisila me ie, pun chon solä resap tongeni angeer, nge pwötür resap tongeni atarela.

Lukas 16:9

Iwe, Jesus a sopwela le kapas, “Üpwe ürenikemi: Oupwe aea wöün fanüfan an epwe wor chiechiemi, pun lupwen epwe itela, repwe etiwakemi lon ewe leni ia aramas repwe nom ie tori feilfeilachök.

Lukas 19:7

Lupwen ekewe aramas meinisin ra küna mine a fis, ra ngününgünfengen lefiler, “Ei mwän a wasöla ren eman chon tipis.”

Lukas 7:13

Lupwen ewe Samol a küna ewe fefin, a fokun tongei. Iwe, a üreni, “Kosap kechü.”

Lukas 7:19

o tiniirela ren ewe Samol, pwe repwe aisini, “En ewe eman epwe wareto, are sipwe witiwiti pwal eman?”

1. Samuel 12:3

Ngang üa nom iei. Oupwe pwärätä ngauei fän mesen ewe Samol mi Lapalap, pwal fän mesen nöün we mi kepit. Iö üa angei nöün ätemwänin kow ika nöün aas? Iö üa atupu ika ariaföüü. Seni iö üa angei och lifangen amichimich pwe üpwe achuna mesei ren? Oupwe pwärätä ngauei, nge ngang üpwe aliwini ngenikemi mine üa angei.”