Lukas 19:47 - Chuukese Bible

⁴⁷ Iwe, Jesus a afalafal lon ewe imwenfel iteiten rän. Ekewe souasor mi lap, ekewe Sensen Allük me souemwenin ekewe aramas ra mochen pwe repwe niela Jesus,

Lukas 19:47 Iomraidhean Croise

Mateus 21:23

Iwe, Jesus a liwinsefälilong lon ewe imwenfel, nge lupwen a afalafal, ekewe souasor mi lap me ekewe souakomwen chon Juta ra feito ren o aisini, “Ka angei me ia om pwüüng pwe ka föri ekei mettoch? Iö a ngonuk om pwüüng?”

Mateus 26:55

Mürin Jesus a üreni ewe mwichen aramas, “Pwota oua feito fän ketilas me wok ämi oupwe turufiei usun itä oupwe turufi eman chon föföringau? Iteiten rän üa nom remi o afalafal lon imwenfel, nge ämi ousap turufiei.

Markus 11:18

Iwe, lupwen ekewe souasor mi lap me ekewe Sensen Allük ra rong ekei kapas, ra popuetä le kütta efoch alen ar repwe niela Jesus. Nge ra niuokusiti i, pokiten ewe mwichen aramas ra ingeiti an afalafal.

Markus 12:12

Iwe, ekewe souemwenin Juta ra sotuni ar repwe fötekini Jesus, pun ra silei pwe a afalafala ei pworausen awewe usur. Nge ra niuokusiti ewe mwicheichen aramas, iei mine ra likitala o feila seni.

Markus 14:1

Iei a chök ruu rän mwen ewe ränin Pasofer me ewe chulapen mongö pilawa esap wor iis lon. Iwe, ekewe souasor mi lap me ekewe Sensen Allük ra ekieki usun eu alen ar repwe turufi Jesus le monomon, pwe repwe niela.

Markus 14:49

Iteiten rän üa nom remi o afalafal lon imwenfel, nge ämi ousap fötekiniei. Nge iei kapasen ekewe Toropwe mi Pin epwe pwönüetä.”

Lukas 19:48

nge resap tongeni küna efoch alen ar repwe föri ar we ekiek, pun ekewe aramas ra chök akaüseling ngeni an afalafal, nge resap tümwününgau ngeni an kewe kapas meinisin.

Lukas 20:19

Iwe, ekewe Sensen Allük me ekewe souasor mi lap ra silei pwe a afalafala ei pworausen awewe usur, iei mine ra sotuni ar repwe fötekini Jesus lon ewe otun, nge ra niuokusiti ekewe aramas.

Johannes 10:39

Iwe, ra sotunisefäli ar repwe turufi Jesus, nge i a müttir sü seniir.

Johannes 18:20

Jesus a pölüeni, “Fansoun meinisin üa kapas le pwäpwäla ngeni aramas meinisin. Üa afalafal lon ekewe imwen felikis pwal lon ewe imwenfel ia ekewe aramas meinisin ra mwichfengen ie. Üsap apasa och le monomon.

Johannes 7:19

Ifa usun, Moses esap ngenikemi ekewe Allük? Nge esap wor eman leimi a aleasochisi ekewe Allük. Pwota oua ekiekin nieila?”

Johannes 7:44

Ekoch ra mochen turufi i, nge esap wor eman a atapa.