Lukas 19:46 - Chuukese Bible

⁴⁶ A üreniir, “A mak lon ekewe Toropwe mi Pin pwe Kot a apasa, ‘Imwei imwenfel epwe iteni eu imwen iotek,’ nge ämi oua awili ngeni eu lenien open chon solä.”

Lukas 19:46 Iomraidhean Croise

Kölfel 93:5

Ai Samol mi Lapalap, om kewe allük ra fokun let, imwom a fokun pin tori feilfeilachök.

Aisea 56:7

“Üpwe emwenireto ren chuki mi pin o apwapwaar lon imwei imwen iotek. Iwe, üpwe etiwa ar asoren kek me sokun asor ra uwato won ai rongen asor, pun imwei epwe iteni imwen iotek fän iten aramasen fanüfan meinisin.”

Jeremaia 7:11

Ifa usun, ei imw a föü itei won a wiliti eu lenien open chon solä me remi? Püsin ngang üa küna mine oua föri.

Isikiel 43:12

Nge iei allükün ei Imwenfel: Unusen lenian me won ungen ewe chuk epwe unusen pin. Iei allükün ei Imwenfel.

Osea 12:7

Iwe, ewe Samol mi Lapalap a üra, “Ekewe chon amömö ra nöünöü kilo mi mwäl, ra chök efich ar repwe atupu aramas.

Mateus 21:13

A üreniir, “A mak lon ekewe Toropwe mi Pin pwe Kot a apasa, ‘Ai imwenfel epwe iteni imwen iotek,’ nge ämi oua awili ngeni eu lenien open chon solä.’”

Mateus 23:13

“Feiengauemi, ämi Sensen Allük me Farisi! Ämi chon likatuputup! Oua öpüngala ewe asam ngeni Mwün Läng seni aramas. Nge püsin ämi ousap tolong lon, ousap pwal mwüt ngeni chokewe mi mochen tolong ar repwe tolong.

Markus 11:17

Mürin a afalafala ekewe aramas o üreniir, “A mak lon ekewe Toropwe mi Pin pwe Kot a apasa, ‘Ai imwenfel epwe iteni imwen iotek fän iten chon ekewe mwü meinisin.’ Nge ämi oua awili ngeni eu lenien open chon solä.”