Lukas 19:44 - Chuukese Bible

⁴⁴ Repwe unusen ataakola o niela ekewe aramas mi nonom lon tittum kewe. Esap wor eföü fau epwe chüen nom lon lenian, pun kosap mefi ewe fansoun lupwen Kot a feito pwe epwe amanauok.”

Lukas 19:44 Iomraidhean Croise

Kölfel 137:9

Epwe pwapwa ätewe mi angei noum kewe semirit o monerela ngeni eu achau.

Aisea 10:3

Iwe, met oupwe föri lon ränin apwüng, lupwen feiengau epwe torikemi seni toau? Iö oupwe süla ren pwe epwe alisikemi, nge ia oupwe aopa wöümi ie?

Aisea 29:3

Iwe, üpwe pwelifeiliik, Jerusalem, üpwe aüetä imwen maun mi tekia ünükum o amolätä ai pisekin maun pwe üpwe maun ngonuk.

Jeremaia 11:23

pwe esap chüen wor eman lusun me leir. Pun ngang üpwe awarato feiengau won ekewe re Anatot lon ewe ier üpwe apwüngüür.”

Kölün kechü 1:8

Jerusalem a fokun tipis, iei mine a wesewesen limengau. Meinisin mi asamolu me lom ra turunufasei, pun ra küna lon an selela. Ewer, püsin i a ngüngü o akulu mesan seniir.

Taniel 9:24

Iwe, a pwüngüla pwe ükükün fisu fän fik ier a kaüküla fän iten aramasom me om we telinimw mi pin. Mürin, pupungau epwe ükütiu, tipis epwe müchüla, epwe fis amusamusen tipis, nge pwüng esemüch epwe pwönüetä pwe alon soufos me künaer epwe fisitä, epwe pwal fis apinipinin ewe Leni mi Unusen Pin.

Taniel 9:26

Iwe, mürin ekewe fisu fän wone me ruu ier ewe mi kepit epwe ninnila, nge esap wor popun. Iwe, nöün eman samol sounfiu repwe war o ataela ewe telinimw me ewe Leni mi Pin. Nge sopolan ewe telinimw epwe war usun chök eu noter, epwe pwal fis maun me tatakis tori lesopolan, usun Kot a fen apwüngala.

Mika 3:12

Iei mine Sion epwe wiliti eu leni mi tu usun eu mälämäl pokitemi, Jerusalem epwe wiliti eu ioien mettoch mi tala, nge ewe chuk ia ewe imwenfel a nom ie epwe wiliti eu wöllap.

Mateus 24:2

Nge Jesus a üreniir, “Ewer, oua nenengeni ekei mettoch meinisin. Enlet, üpwe ürenikemi: Esap fokun wor eföü fau epwe chüen nom lon lenian. Meinisin ekewe fau repwe toropasetiu.”

Markus 13:2

Nge Jesus a üreni, “Ka küna ekewe imw mi watte? Esap fokun wor eföü fau epwe chüen nom lon lenian. Ekewe fau meinisin repwe toropasetiu.”

Lukas 1:68

“Ousipwe mwareiti ewe Samol, ewe Koten Israel! Pun a feito pwe epwe alisi nöün aramas o angaseer.

Lukas 1:78

Ach Kot a ümöümöch o lukpwetete. Epwe awora ngenikich ewe Saramen Manau seni läng,

Lukas 19:42

A apasa, “Amwo kopwe chök silei ikenai mine kopwe kinamwe ren. Nge iei a monola senuk.

Lukas 21:6

“Iei oua küna ekei mettoch meinisin. Nge epwe war ewe fansoun, lupwen esap fokun wor eföü fau epwe chüen nom lon lenian. Meinisin ekei fau repwe toropasetiu.”

1. Petrus 2:12

Oupwe eäni föföröch lein ekewe chon lükün lamalam, pwe lupwen repwe atipisikemi pwe oua föri föför mi ngau, repwe küna ämi föför mürina o mwareiti Kot lon ewe Rän epwe wareto lon.