Lukas 19:42 - Chuukese Bible

⁴² A apasa, “Amwo kopwe chök silei ikenai mine kopwe kinamwe ren. Nge iei a monola senuk.

Lukas 19:42 Iomraidhean Croise

Kölfel 32:6

Iei mine ekewe chon allükülük repwe iotek ngonuk lon fansoun riaföü. Lupwen feiengauen apwüng a war usun eu noter, esap toriir.

Kölfel 81:13

Amwo nei aramas repwe aüselinga aloi, amwo chon Israel repwe aleasochisiei.

Aisea 44:18

Iwe, ekei aramas resap silei och, resap pwal wewe ren, pun Kot a achuna meser pwe resap tongeni küna, a pwal apüngü letiper pwe resap tongeni wewe.

Aisea 48:18

Amwo kopwe aüselinga ai kewe allük! Mürin om kinamwe epwe wewe ngeni eu chanpupu, nge om pwüng epwe wewe ngeni nomongun lematau.

Aisea 55:6

Oupwe kütta ewe Samol mi Lapalap lupwen fansoun oua tongeni küna, oupwe köri, lupwen a arap.

Jeremaia 13:17

Nge are ousap mochen aüseling, üpwe chök kechü lemonomon pokiten ämi lamalamtekia. Üpwe kechüangau, nge chönün mesei repwe suputiu, pun nöün ewe Samol mi Lapalap aramas ra oola.

Isikiel 33:11

Iwe, kopwe üreniir: Mwo manauei, aloi ngang Kot ewe Samol mi Lapalap, üsap pwapwaiti mälan eman chon föföringau, nge üa mochen pwe ewe chon föföringau epwe kul seni an tipis o manau. Ämi chon Israel, oupwe ükütiu seni ämi föföringau. Pun pwota oua mochen mäla?

Lukas 19:41

Iwe, Jesus a feila o arap ngeni ewe telinimw Jerusalem. Nge lupwen an küna, a kechüeiti.

Lukas 19:43

Pun epwe war ewe fansoun pwe chon oputom repwe pwelifeiliik, repwe aüetä ar ororen maun ünükum o rongeekela.

Lukas 19:44

Repwe unusen ataakola o niela ekewe aramas mi nonom lon tittum kewe. Esap wor eföü fau epwe chüen nom lon lenian, pun kosap mefi ewe fansoun lupwen Kot a feito pwe epwe amanauok.”

Föför 10:36

Oua silei ewe kapas Kot a tinala ngeni ekewe aramasen Israel, a arongafeili ewe Pworausen Manau pwe sipwe kinamwefengen me Kot ren Jesus Kraist, i ewe Samol mi nemeni aramas meinisin.

Föför 13:46

Mürin Paulus me Parnapas ra pölüeniir fän pwora, “A pwüng ngenikem äm aipwe akomwen afalafala ngenikemi ewe kapasen Kot. Nge pokiten ousap etiwa, ousap pwal ekieki pwe oua fich ngeni ewe manau esemüch, aipwe likitikemi o feila ngeni ekewe chon lükün Israel.

Tuteronomi 32:29

Are epwe wor ar tipachem, repwe wewe ren o ekieki usun sopolar.

Tuteronomi 5:29

Amwo leluker epwe iei chök usun iteiten fansoun, pwe repwe meninitiei o aleasochisi ai kewe allük meinisin, pwe repwe feiöch me mwirimwirir tori feilfeilachök.

Ipru 3:13

Nge oupwe fokun alilisfengen lefilemi iteiten rän lon ei ükükün fansoun mi iteni “Ikenai”, pwe esap wor eman epwe tup lon tipis o tipepöchökül lon letipan.

Ipru 3:15

Iei usun met a mak lon ekewe Toropwe mi Pin, “Ikenai are oua rong mwelien Kot, ousap apöchöküla lelukemi usun ämi kewe lewo, lupwen ra pöchökül le ü ngeni Kot.”

Ipru 3:7

Iwe, iei usun met ewe Ngünmifel a apasa, “Ikenai are oua rong mwelien Kot,