Lukas 19:41 - Chuukese Bible

⁴¹ Iwe, Jesus a feila o arap ngeni ewe telinimw Jerusalem. Nge lupwen an küna, a kechüeiti.

Lukas 19:41 Iomraidhean Croise

2. King 8:11

Iwe, Elisa a siwil wowon o newenewen ngeni Hasael tori Hasael a säw. Mürin Elisa a kechü.

Kölfel 119:136

Chönün mesei ra pupu usun chanpupu, pun aramas resap aleasochisi om kewe allük.

Kölfel 119:158

Fän koput üa nenengeni ekewe aramas resap allükülük, pun ir resap aleasochisi om kewe allük.

Kölfel 119:53

Lingeringer watte a toriei, lupwen üa küna ekewe aramasangau mi purätiu om kewe allük.

Aisea 22:4

Iei mine üa apasa, “Ousap nenengeniei, nge oupwe chök mwüt ngeniei pwe üpwe kekechü. Ousap pwal sotuni le achipaei, pun üa kechüeiti nei aramas kana mi küna feiengau.”

Aisea 28:21

Iwe, ewe Samol mi Lapalap epwe ütä usun a ütä won ewe chukun Perasim, epwe pwal song usun a song me lon ewe lemolun Kipeon. Epwe föri sokun föför esap wor eman a küküna me mwan, epwe afisi an angang, sokun angang aramas resap wewe ren.

Jeremaia 13:17

Nge are ousap mochen aüseling, üpwe chök kechü lemonomon pokiten ämi lamalamtekia. Üpwe kechüangau, nge chönün mesei repwe suputiu, pun nöün ewe Samol mi Lapalap aramas ra oola.

Jeremaia 17:16

Üsap pesee ngonuk pwe kopwe awarato ingau, üsap pwal älälei ewe ränin feiengau, en ka silei usun. Mine üa apasawu a pwäla fän mesom.

Jeremaia 9:1

Amwo mökürei epwe eu lenien koluk, nge mesei epwe eu puächen chönün mas, pwe lerän me lepwin üpwe tongeni kechüeiti chokewe mi ninnila me lein nei aramas.

Osea 11:8

Ifa usun ai üpwe tongeni fangatä, en Israel? Ifa usun ai üpwe tongeni likitukela? Ifa usun ai üpwe ataakela usun ai ataela Atma? Ifa usun ai üpwe tongeni föri ngonuk usun mine üa föri ngeni Sepoim? Letipei a siwil, ai tong a pwichikar o nüküchar.

Lukas 19:42

A apasa, “Amwo kopwe chök silei ikenai mine kopwe kinamwe ren. Nge iei a monola senuk.

Johannes 11:35

Iwe, Jesus a kechü.