Lukas 19:37 - Chuukese Bible

³⁷ Nge lupwen a arap ngeni ewe leni ia ewe al a feitiu seni ewe Chukun Olif, unusen ewe mwichen chon kaiö ra popuetä le mweireiren pwapwa o mwareiti Kot fän mwelier mi leüömong pokiten ekewe manaman meinisin ra fen küna.

Lukas 19:37 Iomraidhean Croise

1. Kronika 15:28

Iei usun chon Israel meinisin ra uwato än ewe Samol mi Lapalap we pworofel fän mweireiren pwapwa, fän tikin sokopaten rappwa, fän kaktai, pwal fän tikin kitar me ükülele.

2. Kronika 29:36

Nge Hiskia me ekewe aramas meinisin ra pwapwa, pokiten Kot a alisiir, pwe ra tongeni müttir föri ekei föför.

Mateus 21:1

Lupwen Jesus me nöün kewe chon kaiö ra tori Petfake arun ewe Chukun Olif, arap ngeni Jerusalem, Jesus a tinala ruoman ekewe chon kaiö pwe repwe akomwola mwer.

Markus 13:3

Lupwen Jesus a mot won ewe chukun Olif pekilan ewe imwenfel, Petrus, James, Johannes me Andru chök ra feila ren.

Markus 14:26

Mürin ar eäni echö kölün kilisou ra towu seni ewe imw o feila ngeni ewe Chukun Olif.

Lukas 18:43

Lon ewe chök otun ewe mwän a küna mwan, a tapwela mürin Jesus o kilisou ngeni Kot. Lupwen ewe mwichen aramas ra küna ei, ir meinisin ra mwareiti Kot.

Lukas 19:20

Mürin pwal eman chon angang a feito o apasa, ‘Ai samol, iei noumw we eföü moni, üa tükümala lon ekam mangaku o iseis.

Lukas 19:29

Lupwen a arap ngeni Petfake me Petania ren ewe Chukun Olif, a tinala ruoman nöün chon kaiö

Lukas 19:36

Lupwen Jesus a wawa ewe aas le feila, aramas ra ameresala üfer kewe won ewe al.

Lukas 7:16

Iwe, aramas meinisin ra uren niuokus, ra mwareiti Kot o apasa, “Eman soufos mi lap a pwä lefilach. Kot a feito pwe epwe amanaua nöün aramas.”

Johannes 12:18

Ina popun ewe mwichen aramas mi chomong ra churi, pokiten ra rong pwe a föri ei manaman.