Lukas 19:29 - Chuukese Bible

²⁹ Lupwen a arap ngeni Petfake me Petania ren ewe Chukun Olif, a tinala ruoman nöün chon kaiö

Lukas 19:29 Iomraidhean Croise

Sekaraia 14:4

Lon ena fansoun i epwe ütä won ewe Chukun Olif mi nom mwen Jerusalem me peliötiu. Iwe, ewe Chukun Olif epwe mökfesen lon ruu kinikin seni ötiu tori lotou, pwe epwe fis eu lemol mi fokun chölap. Iei usun epek ewe chuk epwe sönüla ngeni peliefeng, nge epek ngeni peliör.

Mateus 21:17

Mürin Jesus a likitiirela, a towu seni ewe telinimw o feila Petania. Ikenan a pwinipwin ie.

Lukas 19:30

o üreniir, “Oupwe feila lon ewe sopw a nom mwemi. Nge lupwen oupwe tori, oupwe küna eman nienifön aas mi föfö ikenan, esap mwo wor eman a wawa. Iwe, oupwe apichi o emwenato ikei.

Lukas 19:37

Nge lupwen a arap ngeni ewe leni ia ewe al a feitiu seni ewe Chukun Olif, unusen ewe mwichen chon kaiö ra popuetä le mweireiren pwapwa o mwareiti Kot fän mwelier mi leüömong pokiten ekewe manaman meinisin ra fen küna.

Lukas 21:37

Iwe, iteiten rän Jesus a afalafal lon imwenfel, nge lupwen a pwinila, a feila lükün ewe telinimw o pwinipwin won ewe Chukun Olif.

Lukas 22:39

Iwe, Jesus a towu seni ewe telinimw o feitä won ewe Chukun Olif usun a piin föföri, nge ekewe chon kaiö ra eti.

Lukas 24:50

Mürin Jesus a emweniirewu seni Jerusalem o feila arap ngeni Petania. Ikenan a aitiela pöün wor o afeiöchüür.

Föför 1:12

Mürin ekewe soukünö ra feitiu me won ewe Chukun Olif o liwinsefäliti Jerusalem, toauen ewe Chukun Olif seni ewe telinimw ina epwe ükükün esop mwail.