Lukas 19:17 - Chuukese Bible

¹⁷ Iwe, a üreni ewe chon angang, ‘A fokun mürina om angang. En eman chon angang mi mürina. Pokiten ka allükülük lon mettoch mi kisikis, ngang üpwe awisok pwe kopwe nemeni engol telinimw.’

Lukas 19:17 Iomraidhean Croise

Keneses 39:4

Iwe, Potifar a ümöümöch ngeni Josef, iei mine a afili pwe epwe angang ngeni. A seikätä Josef pwe epwe tümwünü imwan me pisekin meinisin.

Än Salomon Fos 27:18

Eman mi tümwünü efoch irä fiik epwe mongö seni uan, nge eman chon angang mi tümwünü an samol epwe küna iteüöch.

Mateus 25:21

An we masta a üreni, ‘Om angang a fokun mürina. En eman chon angang mi mürina o allükülük. Ka fen allükülük won mine a chokükün, iei mine üpwe seikuketä won mine a chomong. Kopwe tolong o etiei lon ai pwapwa.’

Lukas 16:10

Eman mi allükülük le tümwünü mettoch mi kisikis, epwe pwal allükülük le tümwünü mettoch mi watte. Nge eman esap allükülük le tümwünü mettoch mi kisikis, esap pwal allükülük le tümwünü mettoch mi watte.

Lukas 19:16

Ewe aemanün a feito o apasa, ‘Ai samol, noumw we eföü moni ka ngeniei, üa anganga pwe manauan a tori engol.’

Lukas 19:18

Ewe aruomanün a feito o apasa, ‘Ai samol, noumw we eföü moni ka ngeniei, üa anganga pwe manauan a tori limu.’

Lukas 22:30

Oupwe mongö o ün won ai chepel lon mwüi, oupwe pwal mot won ekewe lenien motun king o nemeni ekewe engol me ruu ainangen Israel.

Nöün Paulus Toropwe ngeni ekewe Souläng lon Rom 2:29

Esap ina! Nge eman mi enletin re Juta i eman re Juta lon letipan, wewen a sirkomsais lon letipan. Iei angangen ewe Ngünün Kot, sap angangen ekewe Allük mi makketiu. Ei sokun aramas epwe angei iteüöchün seni Kot, sap seni aramas.

1. Korint 4:5

Iei mine ousap apwüngü eman me mwen an epwe war ewe fansoun mi fich. Ewe amüchülan kapwüng epwe witiwit tori ach Samol epwe war. I epwe asarama mine a monomonola lon rochopwak o pwärawu mine a monomon lon ekiekin aramas. Mürin aramas meinisin repwe angei me ren Kot iteüöchür lon met a fich ngeni eman me eman.

2. Timoty 2:10

Iei mine üa likitü lon ekei riaföü meinisin fänäsengesin nöün Kot kewe mi fil, pwe pwal ir repwe küna ewe manau a nom lon Kraist Jesus me ewe ling esemüch.

1. Petrus 1:7

Popun ämi tolong lon sosot, pwe epwe pwä enletin ämi lükülük. Kolt mi tongeni tala, nge a ketel lon ekkei pwe epwe pwä ewe enletin kolt. Iei usun ämi lükülük mi aüchea seni kolt epwe fokun küna sosot, pwe epwe nükücharala. Mürin oupwe küna iteüöch me ling me itetekia lon ewe Rän lupwen Jesus Kraist epwe pwä.

1. Petrus 5:4

Iwe, lupwen ewe Meilapen Chonmas epwe pwä, oupwe angei ewe mwärämwär mi ling esap fokun aiolol.

1. Samuel 2:30

Iei mine ewe Samol mi Lapalap ewe Koten Israel a apasa, ‘Üa pwon me lom pwe om kewe lewo me mwirimwirir repwe wiseni ewe wis tori feilfeilachök. Nge iei üa apasa pwe esap chüen ina usun. Pun chokewe mi asamoluei üpwe asamoluur, nge chokewe mi turunufaseei repwe küna turunufas.