Lukas 19:12 - Chuukese Bible

¹² Iei mine Jesus a üreniir, “A wor eman mwän mi uputekia, a feila won eu fanü mi toau, pwe epwe seikitä lon wisen king, mürin epwapw liwinsefäl.

Lukas 19:12 Iomraidhean Croise

Mateus 21:38

Nge lupwen ekewe chon mälämäl ra küna ewe nau, ra kapasfengen lefiler, ‘Iei i alemürin ätewe mine an ei tanipi. Ou etto, ousipwe niela, pwe sipwe angei mine an me ren saman!’

Mateus 28:18

Nge Jesus a kan ngeniir o üreniir, “Nemenem meinisin won läng me fanüfan a toriei.

Markus 12:1

Mürin Jesus a kapas ngeniir lon pworausen awewe: “A wor eman mwän a fotuki eu tanipin wain. A föri eu tit ünükün, a tuw eu pwang fän iten ewe lenien üchüch föün wain o aüetä eu imwen mamas mi tekia lon. Mürin a awisa ekoch chon mälämäl, pwe repwe tümwünü an tanipin wain. Iwe, a saila toau.

Markus 16:19

Mürin än Jesus fos ngeni nöün kewe chon kaiö a feitä läng o mottiu lepelifichin Kot.

Lukas 20:9

Mürin Jesus a apworausa ngeni ekewe aramas ei pworausen awewe, “A wor eman mwän a fotuki eu tanipin wain. Iwe, a awisa ekoch chon mälämäl pwe repwe tümwünü, mürin a saila lon eu fanü toau.

Lukas 24:51

Lupwen an afeiöchüür a feitä seniir o feitä läng.

Johannes 18:37

Iei mine Pilatus a aisini, “Iwe, met, en eman king?” Jesus a pölüeni, “En ka fen apasa pwe ngang eman king. Popun ai uputiu o tolong lon ei fanüfan, pwe üpwe pwärätä mine a let. Iö a pop seni let epwe aüselingaei.”

Föför 17:31

Pun a filätä eu rän epwe apwüngü unusen chon fanüfan meinisin fän pwüng ren eman mwän i a awisa ngeni. A fen alletätä ei ngeni aramas meinisin ren an amanauasefäli ei mwän seni mäla.”

1. Korint 15:25

Pun Kraist epwe fokun nemenem tori Kot epwe akufu chon oputan meinisin o anomuur fän pechen.

Ipru 9:28

Iei usun Kraist a fangala püsin inisin pwe eu asor fän eu chök, pwe epwe amorala tipisin chomong aramas. Iwe, lupwen epwe wareto fän aruan, esap chüen föri och fänäsengesin tipis, nge epwe amanaua chokewe mi witiwiti.

1. Petrus 3:22

i ewe mi feitä läng, a nonom lepelifichin Kot o a nemeni ekewe chon läng meinisin, pwal ekewe ngün mi wor ar nemenem me manaman.

Pwärätä 1:7

Nengeni, epwe feito won ekewe kuchu! Aramas meinisin repwe küna i, pwal chokewe mi posu. Iwe, aramas meinisin won fanüfan repwe ngüngüres ren met ra föri ngeni. Epwe iei usun met epwe fis. Amen.