Lukas 19:10 - Chuukese Bible

¹⁰ Pun nöün aramas a feito pwe epwe kütta o amanaua ekewe chon mwalechela.”

Lukas 19:10 Iomraidhean Croise

Isikiel 34:12

Usun eman chon mas a kütta nöün pwiin sip mi toropasfeil o achufengeniir, ina usun üpwe achufengeni nei sip kana o tümwünüür. Iwe, üpwe amanaueer seni ekis meinisin ia ra toropasfeil ie lon fansoun räningau me rochokich.

Isikiel 34:16

Üpwe kütta chokewe mi pöütüla o aliwini chokewe mi malechela, üpwe filiti kinasen chokewe mi kinas o apöchöküla chokewe mi apwangapwang, nge üpwe arosala chokewe mi öümanau o pöchökül, pun ngang eman chon mas mi föri mine a pwüng.

Mateus 1:21

Epwe nöünöü eman ät, iwe, kopwe aita ngeni Jesus, pun i epwe amanaua aramasan seni ar tipis kana.”

Mateus 10:6

nge oupwe chök feila ren ekewe aramasen Israel ra usun chök sip mi mwalechela.

Mateus 15:24

Mürin Jesus a pölüeniir, “Kot a chök tinieila ren ekewe sip mi mwalechela, ir ekewe aramasen Israel.”

Mateus 18:10

“Oupwe tümwünüfichi pwe ousap aücheangauei eman ekei kükün. Pun üpwe ürenikemi, pwe nöür chon läng ra nom mwen Semei lon läng fansoun meinisin.

Mateus 18:11

[Pun Nöün Aramas a feito, pwe epwe amanaua mine a mwalechela.]

Lukas 15:32

A fokun öch ach sipwe kametip o pwapwa, pun pwiüm we a mäla, nge iei a manausefäl, a mwalechela, nge iei a liwinsefälito.’”

Lukas 15:8

“Ika a wor eman fefin mi eäni engol föün moni silifer, nge eföü a pöüt seni. Met neminei epwe föri? Epwe atina eu lamp, epwe pirumwei lon imwan o achocho ngeni le kütta tori epwe küna.

Johannes 3:17

Pun Kot esap tinato Nöün won fanüfan pwe epwe apwüngü fanüfan, nge a tinato pwe epwe amanaua chon fanüfan.

Nöün Paulus Toropwe ngeni ekewe Souläng lon Rom 5:6

Pun lupwen sia chüen nom lon ach apwangapwang, lon ena fansoun Kraist a fen mäla fän iten chon föföringau.

Ipru 7:25

Iei mine a tongeni amanaua chokewe meinisin mi arap ngeni Kot ren i fansoun meinisin, pun a manau tori feilfeilachök pwe epwe tüngor ngeni Kot fänäsengesiir.