Lukas 18:5 - Chuukese Bible

⁵ nge pokiten ei fefin mi mä pwülüan a chök osukosukaei, iei üpwe le alisi, pwe epwe pwäla an pwüng. Are üsap alisi, epwe chök sopwela le feito rei tori üpwe osukosuk ren.’”

Lukas 18:5 Iomraidhean Croise

Nehemia 6:4

Ra titito rei fän rüanü lon ei chök ititin pworaus, nge iteitan ngang üa pälüeniir pwal lon ei chök ititin.

Mateus 15:23

Nge Jesus esap pölüeni an kapas. Iei mine nöün kewe chon kaiö ra feito ren o tüngormau ngeni, “Kopwe tinala neminei, pun a chök kökköto me mürich.”

Lukas 11:8

Iwe, üpwe ürenikemi, pwe ikamwo ätewe esap pwätä pwe epwe ngonuk ewe pilawa pokiten en chiechian, nge epwe fen pwätä o ngonuk meinisin mine ka osupwang ren, pun kosap säw le tütüngormau ngeni.

Lukas 18:3

Mi pwal wor eman fefin mi mä pwülüan lon ewe telinimw, a chök soun feito ren ewe soukapwüng o tüngormau ngeni, ‘Kopwe pwärala ai pwüng o alisiei ren ewe chon ü ngeniei.’

Lukas 18:39

Iwe, ekewe aramas mi nom mwan ra apwüngü o üreni pwe epwe fanafanala. Nge i a chök alapata leüan o kökkö, “Nöün Tafit, kopwe tongeei.”

1. Korint 9:27

Üa fokun pöchökül ngeni inisi o anomu fän nemeniei, pwe üsap afalafala ekoch, nge püsin ngang üa lipwäkingau.

Soukapwüng 16:16

Iwe, lupwen neminewe a arianikisi Samson rän me rän o echimwa, a mos ren pwe a mochen mäla.