Lukas 18:43 - Chuukese Bible

⁴³ Lon ewe chök otun ewe mwän a küna mwan, a tapwela mürin Jesus o kilisou ngeni Kot. Lupwen ewe mwichen aramas ra küna ei, ir meinisin ra mwareiti Kot.

Lukas 18:43 Iomraidhean Croise

Kölfel 107:15

Ir repwe kilisou ngeni ewe Samol mi Lapalap pokiten an tong ellet, pwal pokiten an kewe föför mi amwarar ngeni chon fanüfan.

Kölfel 107:8

Ir repwe kilisou ngeni ewe Samol mi Lapalap pokiten an tong ellet, pwal pokiten an kewe föför mi amwarar ngeni chon fanüfan.

Kölfel 146:8

a aneloi mesen ekewe mi chun. Ewe Samol mi Lapalap a awenätä sökürün chokewe mi pworotiu o echeni ekewe chon pwüng.

Kölfel 30:2

Ai Samol mi Lapalap, ai Kot, üa siö ngonuk pwe kopwe alisiei. Iwe, ka apöchökülaei.

Aisea 35:5

Mürin, mesen chon mesechun repwe nela, nge selingen chon selingepüng repwe sukula,

Aisea 42:16

Iwe, üpwe emweni chon mesechun won efoch al resap silei, üpwe afetaleer won ekewe al resamwo fetal won. Üpwe awili ewe rochopwak mi nom mwer ngeni saram, nge ekewe leni mi pwüküpwük üpwe awili ngeni leni mi sosonöch. Ekei mettoch üpwe apwonüetä, nge üsap likiti och.

Aisea 43:21

Ir ekewe aramas üa afisiir fän itei, pwe repwe pwärätä ai ling.

Mateus 11:5

Ekewe mi mesechun ra küna mwer, ekewe mi pechemä ra fetal, ekewe mi üriir rupun pwötür ra chikarsefäl, ekewe mi selingepin ra rongorong, ekewe mi mäla ra manauatä, ekewe mi wöüngau ra rongorong afalafalen ewe Pworaus Allim.

Mateus 21:14

Iwe, chomong mi mesechun me chon pechemä ra feito ren Jesus lon ewe imwenfel, nge i a apöchöküleeretä meinisin.

Mateus 9:8

Iwe, lupwen ewe mwichen aramas a küna mine a fis, ra niuokus o mwareiti Kot ren an ngeni aramas ei sokun manaman.

Lukas 13:17

Iwe, lupwen Jesus a apasatä ekei kapas, ekewe chon ü ngeni meinisin ra säw. Nge ekewe aramas ra fokun pwapwa ren ekewe mettoch mi amwarar Jesus a föri.

Lukas 19:37

Nge lupwen a arap ngeni ewe leni ia ewe al a feitiu seni ewe Chukun Olif, unusen ewe mwichen chon kaiö ra popuetä le mweireiren pwapwa o mwareiti Kot fän mwelier mi leüömong pokiten ekewe manaman meinisin ra fen küna.

Lukas 4:39

Iwe, Jesus a feila ren, a ütä arun än neminewe we peet o üreni ewe pwichikar pwe epwe towu seni. Iwe, ewe pwichikar a towu seni. Lon ewe chök otun neminewe a pwätä o a tümwünüür.

Lukas 5:26

Iwe, ir meinisin ra fokun mairü, ra uren niuokus, ra mwareiti Kot o apasa, “Mwa met, amwararen ekei mettoch sa küna ikenai!”

Lukas 9:43

Iwe, ekewe aramas meinisin ra mairü ren än Kot manaman mi pöchökül. Iwe, lupwen ekewe aramas ra chüen mwar ren ekewe mettoch meinisin Jesus a föri, a üreni nöün kewe chon kaiö,

Föför 11:18

Lupwen ra rongorong ei pworaus, ra ükütiu le esita Petrus, ra mwareiti Kot o apasa, “Kot a pwal mwüt ngeni ekewe chon lükün Israel pwe repwe ekieksefäl o küna manau.”

Föför 26:18

Kopwe aneloi meser, pwe repwe kul seni rochopwak o kul ngeni saram, repwe towu seni fän nemenien Satan o tolong fän nemenien Kot, nge ren ar lüküei repwe küna amusamusen ar tipis kana o angei lenier ren chokewe mi pin.’

Föför 4:21

Iwe, chon ewe mwichen soupwüng ra fokun pöchökül le eniwer, pwe resap chüen afalafal, mürin ra amuserela. Resap küna och popun mine repwe ariaföüür ren, pun ekewe aramas ra mwareiti Kot ren mine a fis.

Kalatia 1:24

Iei usun ra mwareiti Kot fänäsengesin met Kot a föri fän itei.

1. Petrus 2:9

Nge ämi eu ainang mi fil, eu mwichen souasor än ewe king, eu mwün aramas mi pin, nöün Kot kewe aramas, oua fil pwe oupwe arongafeili än Kot kewe föför mi manaman, i ewe mi körikemiiwu seni rochopwak, pwe oupwe tolong lon an saram mi amwarar.