Lukas 18:32 - Chuukese Bible

³² Epwe tolong lepöün ekewe chon lükün Israel, repwe urumwotei, repwe turunufasei o atufa.

Lukas 18:32 Iomraidhean Croise

Aisea 50:6

Üa mwüt ngeni chokewe mi mochen awataei pwe repwe wichi söküri, üa pwal asele ngeni sapei chokewe mi pösapeei. Üsap aopa won mesei seni chokewe mi turunufaseei o atufaei.

Aisea 52:14

Iwe, chomong aramas ra mairü ren, lupwen ra küna pwe esap wewe ngeni aramas, esap pwal chüen lapalapeni lapalapen nöün aramas.

Aisea 53:3

A küna turunufas me koput me ren aramas kana, eman mwän mi örüni an nom lon cheuch me riaföü. A wewe ngeni eman chon anioput sa aopa mesach seni. A unusen itengau, pwe sa ekieki esap wor aüchean.

Mika 5:1

Ämi chon Jerusalem, oupwe amwichafengeni nöümi kewe sounfiu. Ekewe chon oputakich ra pwelifeilikich fän pisekin maun. Repwe pösapei ewe chon nemeni Israel ren efoch wok.

Mateus 16:21

Seni lon ena fansoun Jesus a popuetä le pwäri ngeni nöün kewe chon kaiö, pwe i epwe fokun feila Jerusalem, iwe, epwe küna riaföü me ren ekewe souakom, ekewe souasor mi lap me ekewe Sensen Allük. Repwe niela, nge mürin ülüngat rän epwe manausefälitä.

Mateus 20:19

mürin repwe atolonga lepöün ekewe chon lükün Israel. Ir repwe urumwotei, repwe wichi o iräpengesi. Nge mürin ülüngat rän epwe manausefälitä.”

Mateus 22:6

nge pwal ekoch ra turufi ekewe chon angang, ra wichiir o niirela.

Mateus 26:67

Mürin ra atufa mesan o wichi. Ekoch ra pösapei

Mateus 27:2

Ra föti ngeni sein o etekinala pwe repwe atolonga lepöün ewe kepina Pilatus.

Markus 14:65

Mürin ekoch me leir ra popuetä le atufa, ra pwölüela won mesan o öfönü. Iwe, ra üra, “Kopwe pwäri ngenikem iö a öfönuk.” Nge ekewe chon mas ra etekinala o wichi.

Markus 15:1

Iwe, lupwen a ränila, ekewe souasor mi lap ra mwichfengen me ekewe souakom, ekewe Sensen Allük me unusen ewe mwichen soupwüng, pwe repwe pwüngüpwüngfengen won met repwe föri. Ra föti Jesus o etekinala ren Pilatus, pwe epwe apwüngü.

Lukas 18:33

Repwe pwal wichi o niela, nge mürin ülüngat rän epwe manausefälitä.”

Lukas 23:1

Mürin unusen ewe mwichen aramas a ütä o ra etekinala Jesus mwen Pilatus.

Lukas 23:11

Nge Herotes me nöün kewe sounfiu ra urumwotei o turunufasei Jesus. Mürin ar aüföüfa ngeni echö üf mi fokun ling, Herotes a tinsefäliela ren Pilatus.

Lukas 23:35

Iwe, ekewe aramas ra ütä ikenan o kakatol, nge ekewe sounemenemen chon Juta ra turunufasei Jesus o apasa, “A amanaua ekoch, epwe püsin amanaua are i Kraist, ewe Kot a filätä.”

Johannes 18:22

Lupwen Jesus a apasatä ekei kapas, eman me lein ekewe chon tümwünü imwenfel mi ü ünükün a pösapei o apasa, “Pwota ka nöünöü ei ititin kapas ngeni ewe Souasor mi Lap?”

Johannes 18:28

Lesosorusich chök nge ra emwenala Jesus seni imwen Kaifas ngeni imwen ewe kepina. Nge ekewe nöüwisen chon Juta resap tolong lon ewe imw, pun ra mochen ar repwe limöch o apwönüetä pwüngün ar lamalam, lupwen repwe mongö ewe mongön Pasofer.

Johannes 18:30

Ra pölüeni, “Äm aisap tongeni emwenato ei mwän, are esap wor an föföringau.”

Johannes 18:32

Ei a fis an epwe pwönüetä met Jesus a apasa usun meni sokun mäla epwe mäli.

Johannes 18:35

Pilatus a pölüeni, “Ifa usun, ka ekieki pwe ngang eman re Juta? Püsin aramasen fanüom me ekewe souasor mi lap ra aturuk rei. Met ka föri?”

Föför 2:23

Püsin än Kot akot ei a fen apwüngala, pwe Jesus epwe oolong lepöümi, nge ämi oua niela ren ämi mwüt ngeni ekewe aramas mi tipis pwe repwe iräpengesi.

Föför 3:13

Än Apraham, Isaak me Jakop we Kot, än ach kewe lewo we Kot a alingala nöün Chon Angang Jesus. Nge ämi oua atolonga lepöün ekewe souemwenin chon Juta o amamäsini i me mwen Pilatus, oua fen mwo nge föri ei, lupwen Pilatus a ekiekin angasala i.