Lukas 18:3 - Chuukese Bible

³ Mi pwal wor eman fefin mi mä pwülüan lon ewe telinimw, a chök soun feito ren ewe soukapwüng o tüngormau ngeni, ‘Kopwe pwärala ai pwüng o alisiei ren ewe chon ü ngeniei.’

Lukas 18:3 Iomraidhean Croise

Hiop 22:9

Ka tinala ekewe fefin mi mä pwülüer fän ar asöülapö o angei seni ekewe mi mäsen mine a wor rer.

Hiop 29:13

Chokewe mi arap ngeni ar repwe mäla ra afeiöchüei, üa pwal apwapwai leluken ekewe fefin mi mä pwülüer.

Aisea 1:17

Iwe, oupwe kaiö föföröch o kütta pwüngüöch, nge oupwe epeti angangen chon mwänewüs. Oupwe peni chokewe mi mäsen, oupwe pwal alisi ekewe fefin mi mä pwülüer.”

Jeremaia 5:28

ra pwal kitinupula o lükümisimis. Ar föföringau esap wor aükükün. Resap alisi ekewe mi mäsen lon kapwüng pwe repwe win, resap pwal peni ekewe chon mwelele pwe epwe toriir ar pwüüng.

Mateus 5:25

Are eman a mochen kapwüng ngonuk pwe a föri nöün toropwen kapwüng, kopwe müttir chächäri lupwen mi chüen wor fansoun, pwe ete aturuk ren soukapwüng, o i epwe atolongok lepöün polis, nge ir repwe aturukolong lon imwen fötek.

Lukas 18:2

Iwe, a apasa, “Lon eu telinimw a wor eman soukapwüng esap niuokusiti Kot ika ekieki aramas.

Lukas 18:4

Fansoun langatam ewe soukapwüng esap mochen alisi. Nge feilfeil a ekieki lon lelukan, ‘Inamwo ika üsap niuokusiti Kot ika ekieki aramas,

Lukas 18:5

nge pokiten ei fefin mi mä pwülüan a chök osukosukaei, iei üpwe le alisi, pwe epwe pwäla an pwüng. Are üsap alisi, epwe chök sopwela le feito rei tori üpwe osukosuk ren.’”

Tuteronomi 27:19

‘A anümamau eman mwän a sorei mine a pwüng ngeni eman chon ekis, eman mi mäsen me eman fefin mi mä pwülüan.’ Nge ekewe aramas meinisin repwe apasa, ‘Amen.’