Lukas 18:16 - Chuukese Bible

¹⁶ Nge Jesus a körato ekewe semirit ren o a apasa, “Oupwe mwüt ngeni ekewe semirit pwe repwe feito rei, nge ousap epetiir, pun iö a wewe ngeni ekei semirit epwe mwüni Mwün Kot.

Lukas 18:16 Iomraidhean Croise

Keneses 21:4

Iwe, Apraham a sirkomsaisi Isaak nöün we, lupwen a tori walü ränin, usun Kot a allük ngeni.

2. Kronika 20:13

Iwe, ekewe re Juta meinisin, pwülüer me nöür kewe ra ütä me fän mesen ewe Samol mi Lapalap.

Jeremaia 32:39

Üpwe ngeniir eu chök letip me eu chök ekiek, pwe repwe meninitiei fansoun meinisin fän iten püsin feiöchür me feiöchün nöür me mwirir.

Mateus 19:14

Nge Jesus a üra, “Oupwe mwüt ngeni ekewe semirit pwe repwe feito rei, nge ousap epetiir, pun iö a wewe ngeni ekei semirit epwe mwüni Mwün Läng.”

Lukas 18:15

Iwe, ekoch aramas ra uwato nöür kükün semirit ren Jesus, pwe epwe afeiöchüür. Nge lupwen ekewe chon kaiö ra küneer, ra apwüngü ekewe aramas.

Lukas 18:17

Enlet, üpwe ürenikemi, are eman esap etiwa Mwün Kot usun eman semirit, esap tongeni tolong lon.”

Föför 2:39

Pun iei met Kot a fen pwon ngenikemi me nöümi kana pwal ngeni chokewe meinisin mi toau, ir meinisin ewe Samol ach we Kot a püsin körireto ren.”

1. Korint 14:20

Ämi pwii kana, ousap wewe ngeni semirit lon ämi ekiek. Oupwe semirit lon föför mi ngau, nge oupwe mirit lon ämi ekiek.

1. Korint 7:14

Pun ewe mwän esap souläng a küna pin ren pwülüan we mi souläng, nge ewe fefin esap souläng a küna pin ren pwülüan we mi souläng. Pun are esap iei usun, nöür kewe repwe usun nöün chon lükün, nge iei ra pin.

Tuteronomi 29:11

nöümi semirit me pwülüemi, ekewe chon ekis mi nom leimi, ir ätekewe mi os ämi mwüch o üfi ünümemi koluk,

Tuteronomi 31:12

Iwe, oupwe emwichafengeni ekewe aramas, mwän, fefin me semirit, pwal ekewe chon ekis mi nom lon ämi kewe telinimw, pwe meinisin repwe rongorong o kaiö usun ar repwe meniniti ewe Samol mi Lapalap ämi we Kot o tümwünüöchü le apwönüetä kapasen ei allük meinisin.

1. Petrus 2:2

Oupwe usun chök ekewe mönükol mi upufö, fansoun meinisin oupwe fokun moneti ewe chönün oup mi wewe ngeni Kapasen Kot, esap nofit ngeni och, pwe ren ämi ün oupwe mämäritä o küna manau.